خدمة تفسير أحلام

حلمت كأن انا ف بيت جدتى وكأن فى مناسبه وخالتى كانت هناك بردوا (بس بيت جدتى فى الحلم شكله مختلف عن البيت ف الحقيقه ) وكنا قاعدين ف مكان شبه المكتب كدا خالتى كانت قاعده ع كرسى قدام المكتب وانا قاعدة ع كنبه قدامها او انتريه وهى كانت بتقولى اكيد دلوقتى انتى عماله تقابلى عريسان وانا مش كنت عارفه ارد عليها وبعد كدا شوفت نفسى ف مكان تانى شكل بيت قديم كدا كأنه بيت جدتى بردوا وكان ف بنت صغيره عندها يجى اربع سنين وكانت ف الحلم كأنها بنت خالتى (هى خالتى فى الحقيقه مش بتخلف ومطلقه) وخالتى كانت بتقولى خلى بالك منها عشان مش تطلع الشارع وتتعور وانا شلت البنت وكنت بلعبها وكنت شايلها عشان تبص من الشباك هو شباك عليه حديد كدا فلقيت اتنين شباب قدام الشباك وكانوا عمالين يتكلموا عليا وواحد منهم قال للتانى شوف وشها مش فيه ولا خط ازاى وانا كنت عامله نفسى مش واخدة بالى من الكلام وخالتى طلعت من البيت والبنت راحت وراها وكان فيه ناس كتير قدام البيت وخالتى شافت البنت وهى طالعه من البيت وفضلت تشاور لاختى عشان تشيل البنت وتدخلها جوا بس اختى كانت شايله ولد صغير ومش عرفت تاخد البنت فانا رحت واخدت البنت ودخلتها البيت وكل ما ادخلها تتطلع تانى ..... انا انسه ومش بشتغل واختى فى تالته ثانوى

اهلا ومرحبا بك اختي الكريمة المنام لا يخص المنام يخص خالتك.. هي تعيش دنياها تائهة مشتتة وتشعر بالضجر والغيرة ممن حولها وهو احساس طبيعي لمن هو في مثل ظروفها (صرف الله عنها السوءواصلح حالها) وانتم كنتم تحاولون مساعدتها وتشفقون عليها في الحفاظ علي حياتها ولكن محاولان باءت بالفشل وكل شئ مقدر عند رب العزة ولا اي يملك تغيير المقادير. اصلح الله حالها.