خدمة استشارة أسرية

لميا انا مشكلتي يمكن تكون تافهه بالنسبه لكم المشاكل اللي بقراها عندك ولكن نفسي احلها انا جوزي مبيشكرش في اي حاجه بعملها رغم ان قرايبي وقرايبه بيشكروا مثلا في اكلي بيقولولي انتي تنفعي شيف هتكسري الدنيا وهو يقول اه اكلك كويس بتاع اي ست ..ولبسي يقولي استيلك غيريه هتبقي احلي .. وانا اجتماعيه اوي وبحب الناس هو يقولي انتي فضوليه .. وانا بحب الضحك وباخد اي خلاف بهدؤء علشان ميكبرش فهو يقولي انتي مبتحسيش وباردة انا بعيط بعد مايقولي الكلام دة والله .. بينتقدني علي الفاضيه والمليانه زي ما بيقولوا

مشكلتك مش تافهه مشكلتك مشكله كل ست معها راجل غيور .. اه غيور فحسب كلامك انتي محبوبه واجتماعيه وشاطرة وهادئه ودمك خفيف من حقه حبيتي يغير عليكي من حد تلفتي انتباهه بشخصيتك الجميله..متزعليش من انهاردة منه تاني ..افهميه هو غيور عليكي ربنا يباركلك في بعض