خدمة تفسير أحلام

حلمت اني وأختي سمر رايحين على مبنى فيه نادي رياضي والمنطقه أعرفها بالحقيقة ولكن مافيها هالمبنى ولما دخلنا لقينا بنات عمي وهما اخوات طالعات من المبنى واسمهن حنان ورولا وكانت حنان نحفانه عكس الواقع فقلت لأختي شفتي اتاريهم بيروحو نوادي وما بيحكو وبعدها شفت حالي طالعه عالطابق الثاني وكان فيه نسوان كتير عم يلعبو تمارين رياضيه وقعدت عالارض كأني بنتظر اختي بتفرج عاللي بيلعبو وصرت احكي بعقلي احنا وين عن عالعالم احنا ليه ما بنعمل زيهم،وفجأة شفت حالي واقفه بحوش المبنى كأني طالعه من الباب بنظر لحيط السور المقابل وكان عليه خزانة مكتبه مثل مكتبات المدارس ولكن كانت الخزانه طويله يتعدى علوها علو الطابق الثاني وكان في طاولة مكتب قدامها وكأنها عبارة عن مكتبة لاستعارة الكتب او أخذها وكانت الكتب كلها جلدتها فخمه وكأنها كتب تاريخية او جغرافية وانا عجبني جدا كتاب معلق فوووق وكنت بنظرله وكان شكله على هيئة مجسم هندسي ولون جلدته بيج مائل للأخضر قليلا وصحيت على هيك..أختي وبنات عمي متزوجات وعندهم أطفال..اناعمري ٣١سنة..بقرأ سورة البقرة منذ أكثر من ٤٠ يوم.

يتقدم لك شخص يعرض عليك الزواج يكون من الطبقة المثقفة واعتقد انه مهندس أو له درجة مهندس و يكون محافظا أو متدينا...والله اعلم