خدمة تفسير أحلام

كنت مصليه القيام والفجر وقريت قرآن ومستغفره كتير وطلبت اشاره من ربنا لو دعوتي فيها الخير أو شر حلمت ان كنت بقيس لبس بتاعي وبشوف اي الأفضل وباخد رأيي ماما واختي الصغيره وبقيس قدامهم لاني جسمي مش مكشوف قدامهم فمش مكسوفه منهم كأني بقيس فوق مغطيه جسمي وكنت بقيس في اوضه الضيوف ومفيش غير انا وماما واختي قيست طقم قديم وكان حلو عليا بس ماما قالتلي ما تشوفي الطقم الجديد ده انتي ملبستهوش خالص وفعلا قيسته ومش عجبني خالص كان مش شيك ومرتحتش فيه خالص بس ماما واختي قالوا بس جديد وحلو عليكي ولونه فاتح قولتلهم لا هو جديد بس مش حلو عليا انا مرتاحه ف القديم أهم حاجه انه مناسب وحلو عليا ومش فاكره في حاجه حصلت خلتني وانا بلبس الطقم القديم قولت اغير الجيبه بحاجه تانيه واشوف شكلها ف لقيتها قصيره لحد الركبه وقولت لا ماكنتش اعرف انها صغرت عليا وماما قالتلي انا مش هخليكي تخرجي كدا قولتلها لا ده انا كنت بجربها ومعرفاش انها صغرت اوي كده انا هلبس الطقم القديم زي ماهو وعملت كدا وبعدها قالتلي الجزمه اللي شيلتها في اوضه اختك (الكبيره) شكلك نستيها وابوكي رش حاجه في اوضتها ممكن تكون باظت فأنا قولتلهم جزمتي أنهى فجابوها ليا فأنا زعلت وخوفت تكون باظت من اللي بابا رشه وبقول ده انا مبحبش غير دي وأفضل من الكوتشيات والجزم الجديده اللي عندي روحت لبستها وكنت خايفه تكون باظت بس لبستها وكانت كويسه وعلى مقاش رجلي بالظبط فمسحتها وانا لبساها وكانت حلوه في رجلي وفرحت انها مش باظت (مع العلم الجزمه دي عندي فالحقيقه وفعلا قديمه بس فالحلم كانت احلى وانا فالحقيقه مبرتحش ف الجزمه دي خالص. وواسعه عليا عكس الحلم) وبعدها كنت هخرج لمشوار وبقول لماما عايزه حاجه من السوبر ماركت فسكتت وبصت قصدها لا فأنا قولتها اشتري لانشون فقالتلي ليه هو انتوا فأنا كملت كلامها وقولت ماحنا هنتسحر عشان نصوم بكره فقالت اه طيب هاتي معاكي وقالت اسمه بس انا مش متذكره فأنا سكت شويه وقولتلها البتاع اللي هو الشربات الاحمر قالتلي ايوه هو بس اسم هتلاقي كدا وهاتي المركز وجابتلي الببرونة وقالتلي عشان احط فيها الشربات فقولتلها اي ده هو اصلا بيتباع بعلبته مش بيتوزع فقالتلي ايوه صح نسيت (مع العلم الببرونة دي بالظبط عندنا فالحقيقه بس فالحلم أطول شويه) ملحوظه الهدوم اللي كنت بقيسها هما الاتنين عندي فالحقيقه بس لبستهم قبل كدا فالحلم واحد فيهم قديم بس حلو عليا والتاني كأنه جديد مش اتلبس ولا مره بس محبتهوش ولبست القديم)

عريس يتقدملك ولكن بسبب التعطيل الموضوع متأخر شويه