خدمة تفسير أحلام

السلام عليكم ورحمة الله وبركاته. عندى بعض الأحلام معلشي... 🌹🌹 حلم من يومين حلمت اني شفت عرايس كتير بفستان أبيض منهم زوجة ابن خالتى وشوفت معاها وردتين لونهم أحمر حسيتهم قليلين او مينفعش تشلهم لوحدهم ورحت اشتريت بوكية ورد شكله حلو والمفروض بشتريه على ان سعره غالى طلع رخيص وكان سعره في الحلم 10ج وعطتهولها. وفي نفس الحلم حلمت حلم مرتبط بصديقة لى حكيت لحضرتك عنها بعض الحاجات قبل كدا وانا وهي مش بنتكلم.. هي مدرسه ومن سنة قعدت من الشغل لأن زوجها طلب منها كدا هي مكنتش موافقه جدا وبعد خناقات كتير رضيت المهم... حلمت انها عندنا وبتعيط جامد وبتقول انها جات ترجع الشغل معرفتش ترجع وهترجع في مدرسة في بلد تانية اللى هي بلد أهلها وفي الواقع بين بلدنا اللى هي بلد زوجها وبلد أهلها وقت طويل. حلم اليوم / حلمت لبنت صديقتي اللى انا متكلمه عنها ... حلمت لبنتها تقريبا عندها 10سنوات..في الحلم كأنها خطوبة البنوته دى بس ماشوفتش عريس شفت أهل باباها ومامتها وشفتها وكانت لابسه ذهب 3غوايش وخواتم وكانوا شكلهم حلو... وأنا مكنتش معاهم وهما بيجوا الذهب والبنت هي اللى فرجتنى بعد ما جابوا الذهب ... وما حصلش كلام بينى وبين مامتها خالص في الحلم. حلم كمان / حلمت بحد عاوز يقتلني من ظهري وانا الحمد لله كنت على طاعة من أنواع الطاعات لا اتذكرها ...وكنت فرحانه في الحلم انى هموت على طاعة ..لكن محصلش قتل حفيقي في الحلم معناه ايه؟ معلشي كعادتى بطول على حضرتك بس معلشي لأن مش من على موبايل لأن التطبيق مش شغال معايا. وجزيت الجنة يارب 🌸🌸

وعليكم السلام ورحمة الله وبركاته ..السيدة التي رايتيها عروسة لا تعيش سعادة حقيقية...ويبدو انها ستحملأو هي حامل ....صديقتك عل خلاف مع زوجها وتفكر في الانفصال عنه....ابنتها ذات العشر سنوات ستعيش هموما ومشاكلا بذهاب أحد والديها عنها ....حلمك الاخير سيتقدم لك شخص لطلب يدك وترفضينه لأنه مقيم على معصية أو فيه مسألة لن تعجبك والله اعلم.