خدمة تفسير أحلام

حلمت كانى هناك فالبلد اللى كنت متجوزة فيها وكانى كنت بجيب حاجة وراجعة ومعايا ابنى الصغير بس لاشكله ولا اسمه مش شكل عمر ولا اسمه كنت بندله باسم ابراهيم المهم انا راجعة على بيت محمد طليقى وكنت بجيب حاجه وزى مايكون وانا داخلة عالبيت ان فى عزاء ومحمد كان لابس بنطلون اسود وتيشيرت ابيض وفوقه سويت شيرت صوف انا كنت جبتهوله هدية فعيد ميلاده وانا داخلة عالبيت وابنى الصغير ده عاملة اندهله ماشى ياابراهيم يلا عشان نروح وهو جرى منى ودخل البيت ودخلت البيت لاقيت امه واخواته زى مايكونوا متجمعين فمناسبة وبيحطوا الاكل وبيقولوا لى ايه اللى اخرك كدة قولتلهم اختكم اللى اخرتنى لولا هى انا كنت جيت ومكنتش حلقت لابراهيم وامه بتقولى يلا عشان نفطر قولتلها كلوا انتوا انا هطلع اغير وانزل وكان اليوم ده يوم النصف من محرم والكل كان صايم وبتقولى راح عليكى اليوم لان كان فالحلم معى العذر الشهرى رديت وقولت هعوضه لما تخلص صيام محرم كله اى يوم حلو عند ربنا وراحت تدينى شنطة فيها كوبايات زبادى قولتلها طب خليهم دلوقتى قالتلى عشان لو صومتى تتسحرى بيهم قولتلها طيب روحت طلعت شقتى فوق لاقيت محمد جايب زبادى كتيييير وحاططهم قدام الباب ويوسفى شكله حلو اوى ومسكر روحت فتحت الباب ودخلت ودخلت الحاجة وقشرت واحدة يوسفى وكنت باكل منها وبعدها ابن اخته فضل يرخم عليا زى ما بيعمل وطفى نور السلم وبعدها خبط على الباب وحطى تلات قطط صغيرين وانا خوفت وفضلت انده على محمد عشان يطلع يخرجهم من على الباب بتاع الشقة مرة واحدة سمعت محمد بيقول لبابا تحت ياعم سيبها خليها تبطل الخوف ده دول قطط صغيرة بابا رد عليه وقاله ياعم هى بتخاف انا هطلع امشيهم وراح محمد طلع وراه ومرة واحدة مكان القطط دى لاقيت سمكة او اتنين زى مايكونوا قطط واكلة منهم روحت جبت مناديل انا وبابا وشيلتهم ورميتهم تحت عند الوز اللى امه بتربيه وراح محمد بيقولى بصوت عالي انتى يابت ماشوفكيش تانى واقفة بوشك ولا شعرك ولا بلبس مكشوف برة كدة وراح حضنى وقالى اعمل ايه انا بحبك وبغير عليكي وراح باسنى من فمى وحضنى اوى وقومت من الحلم على كدة انا مطلقة طلاق رجعى طلقة اولى ومعى تلات اولاد وعندى 33سنة

في خبر يزعل تسمعي عنه لكن هل طلب الرجوع