خدمة تفسير أحلام

حلمت ان انا واختي (عزباء) في بيت اختي المتزوجه وكان في بيتها فأر وكنا خايفين منه ولما جت ماما مسكته وقطعت راسه بايديها بعدها ماما روحت وكأن حصل موقف زعلني من اخواتي وكانوا بيهزروا وبيحاولوا يصالحوني فلقيتهم حددوا حته من البيت على شكل مربع كدا وكانوا بيزينوا فيها فاختي العزباء راحت جابت ورد اصفر وازرق من شجره صغيره جدا مزروعه على الكمودينو ورمته في المربع فعجبنا شكله اوي فروحت انا كمان للشجره وكانت مفهاش ورد ومع ذلك جبت منها ورد اصفر وبنفسجي ورميته في المربع بس معجبنيش شكلهم حسيتهم مش لايقين فجبت ورد ازرق كمان ورميته ومعجبنيش بردو بس اخواتي حسوا ان انا خلاص مش زعلانه مع اني كنت لسا مضيقه فاختي المتزوجه سابتني انا واختي في البيت ومشيت فانا واختي واحنا بنتمشى في البيت لاقينا عرايس على شكل مهرج مرسوسين جمب بعض في المطبخ فقلنا ايه دا فرحت مسكت واحده نتفرج عليها وكانت مصنوعه من ماده طريه زي الصلصال ومن عصبيتي قعدت اقطع فيها بايدي فحسيت ان اختي خايفه من العروسه وبتقول في نفسها ايه اللي هي بتعمله دا هي مش خايفه لتكون مسكونه وتأذينا بس مكنتش عايزه تبين لي حاجه وقالت لي بصي انا همشي دلوقتي وانتي ابقي تعالي ورايا فانا قولتلها امشي وانا كنت بقول في بالي هي دايما بتهرب كدا ومبتواجهش المشاكل معايا فجيت ارمي العروسه في الزباله بعد م اختي مشيت لاقيت البلاط بيتحرك تحت رجلي وبيطلع من مكانه لوحده فانا رميت العروسه في الزباله وغسلت ايدي على الحوض بسرعه وقلت لازم اطلع من هنا دلوقتي فطلعت برا لقيت الشارع ضلمه جدا وشكله مخيف والحته ليل ومكنتش عارفه اروح فين فمشيت من شارع وقلت هروح لحد من قرايبنا بعدين افتكرت بيتنا فرجعت تاني وروحت على البيت لما وصلت الشارع اللي فيه بيتنا لقيته منور جدا وكنا الصبح والمنظر حلو ولقيت 4 شباب طالعين من بيتنا وماسكين شنط مدرسه وكان فيه واحد منهم مش عجباه شنطته فدخل رجعها وجاب واحده اكبر بعدين مشيوا وكانوا مبسوطين فانا دخلت البيت لاقيت الحيطان كلها متعلق عليها لبس كأنه محل ملابس وكان دهان الحيط متغير وكل حاجه متغيره المهم قعدت اتفرج على اللبس فلقيت بابا بيقولي اختاري اللي انتي عايزاه فروحت لماما أسألها ايه دا فقالتلي وهي فرحانه ابوكي طلع احلا مصمم ازياء في العالم فلاحظت ان الدهان بتاع الحيط والعفش وكدا شبه بيت اختي المتزوجه فسألت اختي (عزباء) هو احنا هنرجع الحاجات دي تاني لاختي المتزوجه بس هي مردتش عليا وانا بدور في الهدوم لقيت باكو كدا ولما فتحته لقيت فيه بسكوت وعليه شكولاته ساحت كلها في الورقه فانا صحيت على وانا كنت باكل الشكولاته اللي في الورقه ... مع العلم احنا ف الحقيقه اربع بنات ( اتنين متزوجين واتنين لسا ) وولد

يا ابنتى ملخص تأويل رؤياك ان هناك من يريد بكم الأذى لكن الله حفظكم بفضل دعاء والدتك وهناك بعض المشاكل التى قد تتعرضين لها انت واختك العزباء فى خطوبه او ارتباط فعليك عدم الانخداع فى المظاهر والتدقيق فى خلق ودين من يتقدم للزواج منك وسوف تمر هذة الأمور ويسعدك الله ويكرمك بشخص مناسب لك معه سعاده وقد تسافرين معه خارج بلدك ولك معه سعاده واستقرار لكنه ذو خلق ودين وفقك الله واسعدك وحفظك