خدمة تفسير أحلام

حلمت ان انا قاعده ف درس رياضيات والمدرس كان بيشرح وانا كنت مش فاهمه حاجه ومش كنت شايفه السبورة ولا هو بيكتب ايه ع السبورة وكان قاعد جنبى بنت صحبتى من الاعدادى اسمها عبير وكانت ماسكه كراسه وقلم وانا كنت ببص فى كراستها عشان انقل منها بس لقيتها مش كاتبه حاجه وكنت عايزة اقول للأستاذ انى اقعد ف التخته الأولى عشان مش شايفه بس مش قولت حاجه وبعد كدا الأستاذ كتب ع السبورة اسئله احنا نحلها ومش كنت شايفها وكنت حاسه نفسى تايهه والبنات كانوا بيعلموا الكراسات وجه الدور عليا ف حل الاسئله بس مش كنت عارفه والأستاذ راح للبنت إلى بعدى بعد كدا الاستاذ طلع برا الفصل فانا رحت لبنت كانت صحبتى ف الاعدادى اسمها هبه وقولتلها هاخد كراستك انقل منها ولسا هبدا دخل الاستاذ فهى قالت هاخد الكراسه انقل بعدين فانا زعلت ورحت رميلها كراستها ع التخته فوقعت ف الارض ورميت كراستى بردوا ومشيت وسبتها ولما خرجت من الدرس لاقيت تلات بنات اعرفهم هما الاء وروفيدة (دول اصحابى ف اعدادى ) وندا (دى كانت معايا ف الكليه ) فانا بكلمهم عشان يبقوا يصوروا كراستهم ويبعتوليا الصور ع الواتس فالبنت الى اسمها ندا ضحكت بسخريه كدا وقالت انتى مش فهمتى الدرس معقوله فانا رحت قولتلهم مش عايزة منكم حاجه ومشيت عشان اروح البيت لما وصلت للشارع بتاعنا لقيت الاء وروفيدة عند الباب بتاع بيتنا وكانوا بيخبطوا ع الباب وكانوا بيتشاكلوا مع بعض وحد فتحلهم الباب وكانوا ماسكين ف بعض فانا قولت ايه دا هيمسكوا ف بعض قدام ماما وبابا ودحلت البيت بسرعه لقيت ماما وبابا بيحوشوهم عن بعض وبعد كدا الاء كانت بتتخانق مع بابا وكانت بتضربه وهو راح عضها ف انفها وبعد كدا لقيتنا قاعدين انا والاء وروفيدة واختى ابتسام جت من بره وكانت بتحكى هى اشترت ايه وكدا وكان كل الى بتحكى عنه اكل وشكولاتات وبيبسى وكدا وكانت بتقول انا اشتريت شكولاته نصها كانت بيضه ونصها سودة وقالت سعرها بس مش فاكره كام صحابى كانوا مستغربين كل الاكل دا اشترتيه هى بتاخد مصروف كام ع كدا وانا قولتلها ايه دا كله وقالت دا انا حتى اشتريت كاكولا نوعها فيروز وغيرت البطاقه ..... انا انسه واختى ابتسام متزوجه وعندها اطفال وصحابى الى كانوا ف الحلم عبير وهبه دول صحابى من ايام الاعدادى وهم متزوجين ورفيدة والاء معرفش عنهم حاجه وندا دى كانت معايا ف الكليه وهى مخطوبه

اظن اولتها مره