خدمة تفسير أحلام

السلام عليكم ورحمة الله وبركاته عندى حلمين لو سمحت الحلم الأول / كنا في مكان انا وأمي وخالتي واحنا راحين البيت لاقينا في طريقنا بيض كثير على الأرض لونه أبيض وأحمر وكأن في الحلم أمي عارفه صاحب البيض وقالت إنها هتعرفه ان أخذنا منه لأن في الواقع أمي بتشترى منه بيض دائما وفي أثناء أخذ البيض كان في برتقان وأنا أكلت منه وكان طعمه حلو وسبحان الله استيقظت لقيت أمي شارية بيض وبنفس الألوان أبيض وأحمر بس من حد غير الراجل اللى بتشتري منه.. الحلم الثانى / حلمت انى شفت حاجات مفروشه على الأرض زى هدوم وكتب وأوراق انا فكرت انى الحاجات دى بتاعت عمي الله يرحمه قعدت اعيط ومسكت قلم كان محطوط وراحه اكتب على ورقة من الأوراق الله يرحمه وادعيله فلقيت حفيدة عمي فأنا بقولها ليه تحطوا الحاجات على الأرض وتسبوها كدا وانا بعيط قالتلى الحاجات دى مش حاجات جدو وتفاجأت انها حاجات أخت واحدة صاحبتى انا على خلاف مع صاحبتى دى المهم لقيت ولاد صاحبتى وهما وحشونى اوى ونفسي اشوفهم لاقيتهم بيستخبوا مني رحت وراهم عشان اشوفهم لحد ما وصلت لمكان خالتهم ولقيت خالتهم قاعدة في مكان تبيع هدوم رديئه جدا وشكل خالتهم وحش وشها قالب على أسود وأتكلمت معاها وقلتلها العيال بيستخبوا مني ليه؟... امهم كرهتم فيا وأنا بعيط وقولتلها انا مش مسامحها على أم العيال... لكن أنا في الواقع سامحت لله ومشيت العيال حاولوا ينادوا عليا مردتش أرد والمفروض انهم بينادوا على بخالتو لأن انا أقرب حد لهم حقيقي انا اللى مربيهم من صغرهم عندنا المهم في الحلم نادوا على بإسمي من غير خالتو... لحد ما بنت خالتهم اللى انا كنت اتكلمت مع امها حصلتنى وقالتلى متزعليش انا بحبك والله مع انى ماليش علاقة بها... وفي نفس الحلم حلمت بواحدة هي محفظة قرآن وأنا لسه بدأه معاها مراجعة عشان آخذ إجازة منها حلمت انها معاها ورد أحمر وانا طلبت منها تعطينى منه وفعلا عطتنى وقالت إنها هتسافر مكان وتجبلى أحسن منه.التفسير جزاك الله خيرا.

وعليكم السلام ورحمة الله وبركاته..جزء من الرؤيا الأولى قد وقع وهو ما يتعلق بالبيض (حينما يكون الإنسان صادق في الواقع ..تصدق احلامه)..البرتقال اللذيذ الذي اكلتيه يعبر بزواج سعيد ...الحلم الثاني ..صديقتك كان لها رد فعل لم تتوقعينه جراء غضبها منك...فهي تنشر ما كان بينكما وتحاول أن تجعل منك ظالمة ...وتتحدث عنك امام أولادها الذين يتخذون منك موقفا مؤقتا لن يطول لكن قلوبهم ستصفو من ناحيتك لاحقا ..اختها تروج لإشاعات مغرضة ولأكاذيب....الورد الاحمر يرمز للنجاح وما وعدتك به المعلمة يعبر بالتفوق والتميز والله أعلم.