خدمة تفسير أحلام

حلمت خير يارب انى اجلس على كرسى فى مكان عمل ويقعد بجوارى واحدة مسيحية اسمها ابتسام تم نقلها جديد الى مكان عملى (كانت معى فى المكان القديم اللى اتنقلت منه فى الحقيقه وطلعت معاش) والكرسي الثالث واحده ثانيه صديقتى اتنقلت عندى ايضا اسمها عزه وكنت انصحها فى الحلم ان تاخذ منصب مديره علينا (عزه مشهورة بالتعالى بس للاغراب فقط وهيه فى الحقيقة لازالت فى العمل القديم لم تنقل) وكنت اعلمهم على الكمبيوتر طبيعة العمل الجديد فجلست على الجهاز المسيحية وقالت انا هوريكى انى بعرف ودخلت على ايميل الشغل القديم فقلت لها انتى كده خرجتى من ايميل الشغل وانا مش فاكره كلمة السر ولاحظت ان واحدة اسمها ايمان تراقب الموقف من بعيد (فى الحقيقة بتحاول تضرنى فى شغلى باى شكل وعنيها اتاذيت منها كتير) فجلست على الجهاز بكل ثقة ومسكيت الموبيل وقلت هعرف ارجع كلمة السر لان هيجلى رساله على الموبيل بلكلمة واثناء ذلك كان فيه واحد زميل يرئسنى فى الحقيقه واسمه محمد مصطفى جالس على كرسى بعيد بجوار شباك مقفول وماسك مصحف وبيقرء منه بصوت عالى وكل اما المسيحية تتكلم او تضحك يعلى صوته فى آية [وجعلنا من بين ايديهم سدا ومن خلفهم سدا فاغشيناهم فهم لا يبصرون] وظل يرددها ويكررها حتى صحيت من النوم

تجلسين في مكان عملك معناها ان في حد باصص في شغلك جامد وعايزين يبعدوكي من المكان ده متضايقين قوي من وجودك في هذا المكان ومن حب الناس لك عايزين ياخذوا مكانك لكن في اثنين هيساعدوك ويعطوكي بعض النصائح لكن خذي بالك كل واحده لها صفات خاصه واحده منهم يعني لو عماله بتساعد بس مفيهاش خير نفسها في الاول وفي الاخر والثانيه بتساعد لكن كويسه لكن فيها تصرفات برده لها كده ساعات ده بتقلقك وبتضايقك يعنى اما عن المراه المؤذيه خذي بالك منها كويس جدا و رئيسك في العمل الايه قرانيه هو انسان كويس وكل حاجه و مش هيسمع ان شاء الله لاي حد يعاديكي وهتعدي امورك على خير باذن الله لكن تهدي اكثر في العمل وخذي بالك من شغلك كويس جدا لاني الوضع مش حلو والعينين عليك واي حد ممكن يمسك لك اي غلطه فخذي بالك لاني فيه غلط هيتكلموا فيها وانت ما لكيش يد فيها اصلا