خدمة تفسير أحلام

السلام عليكم ورحمة الله وبركاته... لو سمحت حلمت قبل الفجر إن أنا كنت عند صديقة لى فى شقتها وسمعنا صوت حماها قدام شقتها وكان باب الشقة مقفول وبيزعق فيها جامد لأنها عملت حاجة... وهي سمعت كلامه وزعلت وقعدت تعيط وانا كنت بحاول اهديها ( وفي الحقيقة انا وهي بقنا 10 أيام مش بنتكلم وضمن الأسباب اللى أنا مش عاوزه أكلمها عشانها بسبب مشاكلها وخناقتها مع زوجها وأهل زوجها لأنها قالتلى انى السبب في مشاكلها عشان بقولها تسكت ومتردش على حماها أو تزعق في زوجها والمفروض انها تصبر وتستحملش... وكمان بكون عارفه انها دايما هي اللى بتكون غلطانه ومن واجبي انصحها بالصح واعرفها غلطاها بس لما مؤخراً زعقت في واتهمتنى انى السبب مع بعض الكلام اللى صعب يصدر من صديقة مقربة لى اعتبرتها أختى قررت رغم حبي لها... لحد الآن ورغم محاولاتها فى الكلام معايا بس انا قررت ابعد عن حياتها وهي حره فيها لأن كلامها صدمني جامد وان دا يكون جزائى منها في الآخر والحمد لله على كل حال كفاية ربنا عالم بالنوايا ...) لحد ما الموبايل بتاعها رن وهي كانت بتحسب جوزها وفتحت عشان تزعق فيه طلع راجل بيبع أدوات مدرسية وجه الشقة وكنا بنشترى منه للأولاد. حلم تانى بعد صلاة الفجر حلمت انى كنت فى قاعة الامتحانات وبمتحن امتحان قرآن والحمدلله حليته كله بسهولة وكان جنبي صديقة مش عارفه تحل حاولت اساعدها ولما جيت اسلم الورقة نسيت رقم الجلوس معرفتش افتكره خالص ورحت للمدرسة اللى بتراقب علينا عشان اعرفه منها قالتلى ازاى نسيته وانت لسه ممتحنه مادة قبله قلتلها مش عارفه بس والله مش فاكراه وفتحنا انا وهي الكشف اللى فيه الأسماء وأول ورقة فتحناها كان اسمي تانى اسم وكتبت رقم الجلوس فى ورقة الإمتحان وسلمت الورقة. ( وانا الحمد لله حافظة القرآن وانهيت دراسة من سنتين) وفي نفس الحلم حلمت بزوج صديقتي اللى متكلمه عنها فوق عندنا في البيت وبيشتكيلى منها وكنا قاعدين على السلالم قدام باب شقتنا واحنا بنتكلم شوفت ابنه جاى قلته ابنك جه طلع على السطح بسرعة عشان مش عاوز ابنه يشوفه عشان المفروض هو مسافر ومحدش يعرف انه جه وهو فعلا مسافر دولة تانية .. وابنه كان جايب كورة صغيرة كدا لونها أخضر وبيقولى اغسلهالى عشان كانت متوسخه وغسلتها ومشي... وباباه شافوا من على السطح وطلعت انا وأمي ليه على السطح لقيناه زعلان لأنه كان نفسي يسلم على ابنه. معلشي هتعب حضرتك معايا ممكن توضحيلى بالتفصيل وجزاك الله كل خير.😍

صديقتك سيحدث شجار بينها وبين أهل زوجها و يبدو انها تسلك طريقا غير سوي ولا تحترم حدود اللباقة فيما يخص زوجها وهو تأويل الهاتف والشخص الذي يبيع الأقلام...انت مقبلة على امتحان وسوف تنجحين وقد يكون ترتيبك كما رأيتيه..الثانية في الحلم ..او مرورك للامتحان سيكون بعد شخص يسبقك...زوج صديقتك سيخيب بما تفعله زوجته ويغيب سلوكها ويعيب تربيتها لابناءها ..واعتقد ان الطفل مشتاق إليك والله اعلم.