خدمة تفسير أحلام

انا اللي قولت لحضرتك قبل كده ان متقدملي عريس وأهلي رافضين... وفعلا سبب الرفض ان هو كان متجوز قبل كده... بس حضرتك قولتيلي انه ان شاء الله هيكون بينا نصيب.... ف حضرتك قلقتيني من الحلم ده.. معني كده هيكون بينا نصيب ولا ايه مش فاهمه... اهو الحلم.. حلمت اني كنت ف رحلة التخرج وكنت ماشيه مع الدكاتره والطلبة وكده وبعدها روحنا نستريح ف مكان أو زي استراحة صغيره كده للي عايز الحمام وكده.. بس المكان ده كان شقة بتاعت واحده ست.. بس الست دي مظهرتش خالص ف الحلم.. انا طلعت انا وكام حد بس عشان كنت عايزة ادخل الحمام... ف الحمام بتاعها كان جوا اوضه... الاوضه دي لقيت فيها زي قماش وخيوط كتير كانت زي بتعمل شغل كروشيه وكده.. وبعدها لقيت قطة قاعده ع سرير صغير كده كأنه سرير اطفال وكانت قاعده وسط زحمة وقماش وكده.. القطة دي كان لونها رمادي فاتح ف اسود وكان فيها زي حتة صغيره كده او بقعة لونها فوشيا أو بمبي غامق كده.. ف انا لما شفت القطة دي وكان معايا زمايلي وكده ف فضلت اقول ياخلاثي 🙈 وكيوته وكده مع ان القطة مكنتش داخله مزاجي اوي يعني بس قولت كده وخلاص..ومش فاكره نزلت جريت ولا ايه.. وقولت يبئا اكيد الست دي بتعمل الحاجات الكروشيه دي للقطة.. ك لبس ليها يعني انا خمنت كده... وبعدها دخلت الحمام ده.. ورجعت البيت طبعا كان طريق طويل ف دخلت انام شويه عشان كنت هنزل تاني نكمل الرحلة... ف كان معايا زي فلاشه كده عليها صور الرحلة والفلاشة دي كان عليها شاشة رقميه صغيرة ومكتوب عليها رقم 100..معرفش يعني 100 جيجا ولا 100 ايه دول... بس وانا ماسكة الفلاشه راحت صحبتي اللي حسدتني كلمتني مش فاكره كانت معايا ولا كلمتني فون... ف قالتلي هو مش انتي طلعتي رحلة التخرج اللي فاتت؟ قولتلها اه.. مع العلم هي طلعت معايا رحلة التخرج ف الحقيقه... بس ف راحت قالتلي طيب وليه طلعتي الرحلة مرتين؟ يعني ليه سافرت رحلة تاني.. روحت زعقت فيها وقولتلها اتعملي تقولي ماشاء الله أو بسم الله ماشاء الله.. حاجه شبه كده وفضلت ازعق فيها انها تبطل حسد بئا وبس 😔

متخافيش حبيبتي انتي عايزاه والمرحله الجديده أن انتو هتفتحو الموضوع مره تانيه وان انا بقولك على أنه متجوز خدي بالك لأن لتكوني مرتبطه بيه بدون متعرفي انه متجوز فانا بعرفك لكن رقم ١٠٠ إتمام امرك على خير ان شاء الله انتي اخدتي قرار