خدمة تفسير أحلام

حلمت اني كنت ف رحلة التخرج وكنت ماشيه مع الدكاتره والطلبة وكده وبعدها روحنا نستريح ف مكان أو زي استراحة صغيره كده للي عايز الحمام وكده.. بس المكان ده كان شقة بتاعت واحده ست.. بس الست دي مظهرتش خالص ف الحلم.. انا طلعت انا وكام حد بس عشان كنت عايزة ادخل الحمام... ف الحمام بتاعها كان جوا اوضه... الاوضه دي لقيت فيها زي قماش وخيوط كتير كانت زي بتعمل شغل كروشيه وكده.. وبعدها لقيت قطة قاعده ع سرير صغير كده كأنه سرير اطفال وكانت قاعده وسط زحمة وقماش وكده.. القطة دي كان لونها رمادي فاتح ف اسود وكان فيها زي حتة صغيره كده او بقعة لونها فوشيا أو بمبي غامق كده.. ف انا لما شفت القطة دي وكان معايا زمايلي وكده ف فضلت اقول ياخلاثي 🙈 وكيوته وكده مع ان القطة مكنتش داخله مزاجي اوي يعني بس قولت كده وخلاص..ومش فاكره نزلت جريت ولا ايه.. وقولت يبئا اكيد الست دي بتعمل الحاجات الكروشيه دي للقطة.. ك لبس ليها يعني انا خمنت كده... وبعدها دخلت الحمام ده.. ورجعت البيت طبعا كان طريق طويل ف دخلت انام شويه عشان كنت هنزل تاني نكمل الرحلة... ف كان معايا زي فلاشه كده عليها صور الرحلة والفلاشة دي كان عليها شاشة رقميه صغيرة ومكتوب عليها رقم 100..معرفش يعني 100 جيجا ولا 100 ايه دول... بس وانا ماسكة الفلاشه راحت صحبتي اللي حسدتني كلمتني مش فاكره كانت معايا ولا كلمتني فون... ف قالتلي هو مش انتي طلعتي رحلة التخرج اللي فاتت؟ قولتلها اه.. مع العلم هي طلعت معايا رحلة التخرج ف الحقيقه... بس ف راحت قالتلي طيب وليه طلعتي الرحلة مرتين؟ يعني ليه سافرت رحلة تاني.. روحت زعقت فيها وقولتلها اتعملي تقولي ماشاء الله أو بسم الله ماشاء الله.. حاجه شبه كده وفضلت ازعق فيها انها تبطل حسد بئا وبس 😔

رحله التخرج دليل على ان انت دخولك في مرحله جديده لك في حياتك ان شاء الله مقبله عليها في واحد متجوز وهيطلب التعرف عليك والارتباط بيكي خذي حذرك وانت هتعرفي على حياته تتعرفي على اموره ولكن هو الشخص ذو مركز يعني هي معه فلوس عشته مرتاحه لكن متجوز انت في امور لك عايزه تخلصيها وفي قضاء حاجه لك لكن مش هتعرفي دلوقت في مشكله كبيره تحصل بسبب هذا الشخص و بسبب مراته انت هتشوفيها فعلا من طريقتها في الكلام ان هي الشخصيه زي ما جوزها بيقول عليها بالضبط شخصيه مش كويسه و شخصيه صعبه و شخصيه في لسانها غلط شويه في تؤذي الاخرين و بتاذي اللي حواليها وهيقول لك ان هي بتأذي اهله كمان هتاخذي وقت في التفكير فى هذا الامر وهو يحاول ان هو يخلص الموضوع معك في احد من اصحابك باصصلك في حياتك وبيحاول ان هو فعلا يحسدك ومتضايق منك ومن اي نعمه انت بتكوني فيها واي حاجه تلبسها جديده او اي حاجه تجيبيها تبقى العين عليها كانك انت الوحيده اللي ما فيش زي اللي معاكي حاولي ان انت تاخذي بالك كويس جدا لو شخص تقدم لك متجوز وان شاء الله ربنا هيكرمك بما تتمنى بس خذي بالك من الحسد واتمام امر لك على خير ان شاء الله وفكري في اي قرار قبل ما تاخديه وما تسمعيش لاي حدلان الحلم هنا بيوضح ان انت تاخذي بعض القرارات ولكن بعد تفكير معين في خير قادم لك وفي فرحه وفي اطمئنان وامان قادم لك ان شاء الله في وصال يحصل لك و مناسبه سعيده يعني حد يكلمك على خبر حلو ليكي