خدمة تفسير أحلام

حلمت ان انا رايحه درس ولما وصلت لمكان الدرس لقيت اختي قاعده برا مستنيه معاد الدرس بتاعها وانا كمان قعدت استني معاها عشان معادي بعدها المهم وانا قاعده لقيت بنت كانت معايا ايام الدراسه بتقولي انتي مش اشتغلتي ليه دا امل اشتغلت وقالتلي ع كذا اسم من دفعتنا يعني انهم اشتغلوا فانا قولتلها مش عارفه حاولت كتير ورحت كذا مقابله بس مش انقبلت ولقيت الفون بتاعي رن صوت رساله يعني فببص ف الفون لقيت واحده صحبتي اسمها غاده بتكلمني ف نفس الموضوع وبتقولي مش اشتغلتي ليه وكدا ودوري ع شغل ورديت عليها المهم شويه والمجموعه الي جوا الي عند الاستاذ خرجوا فانا روحت عشان اشوف اختي دخلت ولا ايه ف انا ومعاديه من قدام بنتين( انا اعرفهم هما اختين واحده اصغر مني والتانيه اكبر مني بسنه) كدا قاعدين وولد ( بس مش اعرفه) لقيت البنت بتقول لاختها وهي بتبصلي مش قولتلك الناس الكبار دول باله فانا مش ركزت فكلمهم والولد الي كان معاهم قالهم لا مش باله ولا حاجه المهم بصيت ع البنات الي قاعدين مش لقيت اختي فسالت البنات هي اختي دخلت الدرس قالوا لا وواحده من البنات قامت لقيت اختي قاعده وراها وكانت بترضع عيل صغير والبنت قاعده قداهما عشان تداري عليها يعني فقولتلها مش دخلتي ليه قالت لسا بدري وبنت كانت واقفه بتشرب قالتلي اختك جايه بدري ساعتين عن معاد الدرس وكمان حاطه مونيكير ع صوابعه ولونه كان احمر فانا قولتلها ليه التعب دا مش جيتي ع معادك ليه وخلص الحلم ع كدا انا مخلصه كليه وانسه ومش بشتغل واختي اكبر مني ومخلصه كليه ومتزوجه وعندها اطفال وبشتغل

انت في امتحان الحياة.. و لازم الصبر و الانتضار..بالك مشغول و قلقة و تبحثين عن العمل. لهذا عقلك الباطن أنتج مثل هذا الحلم.....اختك رمز...انت محتاجة للمساعدة و التشجيع و عندك فراغ عاطفي...