خدمة تفسير أحلام

حلمت ان انا رايحه درس ولما وصلت لمكان الدرس لقيت اختي قاعده برا مستنيه معاد الدرس بتاعها وانا كمان قعدت استني معاها عشان معادي بعدها المهم وانا قاعده لقيت بنت كانت معايا ايام الدراسه بتقولي انتي مش اشتغلتي ليه دا امل اشتغلت وقالتلي ع كذا اسم من دفعتنا يعني انهم اشتغلوا فانا قولتلها مش عارفه حاولت كتير ورحت كذا مقابله بس مش انقبلت ولقيت الفون بتاعي رن صوت رساله يعني فببص ف الفون لقيت واحده صحبتي اسمها غاده بتكلمني ف نفس الموضوع وبتقولي مش اشتغلتي ليه وكدا ودوري ع شغل ورديت عليها المهم شويه والمجموعه الي جوا الي عند الاستاذ خرجوا فانا روحت عشان اشوف اختي دخلت ولا ايه ف انا ومعاديه من قدام بنتين( انا اعرفهم هما اختين واحده اصغر مني والتانيه اكبر مني بسنه) كدا قاعدين وولد ( بس مش اعرفه) لقيت البنت بتقول لاختها وهي بتبصلي مش قولتلك الناس الكبار دول باله فانا مش ركزت فكلمهم والولد الي كان معاهم قالهم لا مش باله ولا حاجه المهم بصيت ع البنات الي قاعدين مش لقيت اختي فسالت البنات هي اختي دخلت الدرس قالوا لا وواحده من البنات قامت لقيت اختي قاعده وراها وكانت بترضع عيل صغير والبنت قاعده قداهما عشان تداري عليها يعني فقولتلها مش دخلتي ليه قالت لسا بدري وبنت كانت واقفه بتشرب قالتلي اختك جايه بدري ساعتين عن معاد الدرس وكمان حاطه مونيكير ع صوابعه ولونه كان احمر فانا قولتلها ليه التعب دا مش جيتي ع معادك ليه وخلص الحلم ع كدا انا مخلصه كليه وانسه ومش بشتغل واختي اكبر مني ومخلصه كليه ومتزوجه وعندها اطفال وبشتغل

اول الحلم يدل على ان انتي بتسعى في حاجه للاسف مش بتكمل ان احد يسالك على الشغل العكس ده السؤال عن الزواج وجزء من الحلم يعبر عن الحياه اليوميه أن انتي قريبا واحده صاحبتك تتكلمي معاها وتكلمك في موضوع الزواج وتدردش معاكي شويه وتقول لك تسالك في نصف الكلام كده انتي اتخطبتي او في اي تغيير تقولي لها لا لسه و تتكلمي معها في امور اخرى عن حياتك وحياتهاو اختك بترضع عيل صغير ده دليل على ان هي تواجه بعض المشاكل في حياتها الزوجيه وصعوبات ولكن بتحاول التغلب عليها بتقول لك اختك جاءت بدري ساعتين الدرس هنا يعبر عن الزواج وجاءت بدري ساعتين معناها ان هي اتزوجت قبلك رغم ان انتي الاكبر الست اللي بتنقد دي وبتتكلم وبتقول الناس الكبار دليل على ان انتي ساعات بتسمعي كلامي ضايقك و كلامي زعلك بسبب موضوع الزواج ده وفي ناس معندهاش فن التعامل او فن الكلام مع الاخرين فهتلاقيهم بيتكلموا كلام كده مش حلو خالص ورمي كلام وتلقيح كلام مش حلو ويزعق لكن انت خذي بالك ان انتي عندك تعطيل لازم علاج ضروري عليكي ان انتي تغتسلي بعشبة الشاب وقراءه سوره البقره يوميا لان الوضع عندك مش حلو وكمان انتي نفسيا اللي نفسيتك مش مضبوطه وفي خنقه بتجيلك وضيقه كده بسبب نظرات الاخرين لكن مش بتبيني للي حواليكي لكن لما تقعدي مع نفسك بتسترجعي كل هذا الكلام كل هذه التصرفات وده بيسبب لكي طبعا ضيق نفسي ورغبه في البكاء ولذلك يجب علاج التعطيل ضروري عشان ربنا يكرمك بما تتمنى وان شاء الله باذن الله ربنا هيكرمك ما تقلقيش