خدمة تفسير أحلام

السلام عليكم رايت اني دخلت على غرفة كبيرة(غرفة مستشفى) دخلت ولقيت اشخاص (رجال من الكسعر وكلهم سعوديين )وكانهم موظفين وانا وكاني انقذت او ساعدت شخص تعرض للضرب بالرصاص او ما ادري وش االاصابه بالضبط اول ما دخلت ع الغرفة كان فيها جثث ومغطيين بكفن اسود قلت للي موجودين الاسعاف يوم جو ليش ما اخذوا هذيلا قالوا هذيلا ما فيهم شي اخذوا الخدامه والسايق الي مشكووك بوضعهم ورحت لعند سرير الي ع اساس بيحطوا فيه الشخص الي ساعدته وكان معي شخص ما اعرفة وفجاة قالوا الامير نايف (امير سعودي )جاء فانا قلت بروح (لان محد يتوظف بالعسكر غير السعوديين)بس ما امداني لان اشخاص كثير صاروا طابور عشان يسلموا عليه جاء الامير وكان جسمه ضخم وكبير سلم عليهم وانا كنت جنب السرير يعني اخر وحدة سلم علي اعطى الشخص الي كان جنبي فلوس وقال هذي لك وبعدها ناده واعطاه فلوس وقال هذي مصاريف للبيت (اعطاه الفلوس باللعلن مو بالخفاء وسلم علي يد وكنت اقول ان شاء الله ما انحط بموقف هالشخص(ان احد يعطيني شي قدام الناس )  وجلست على الارض وجلس على يميني الامير والرجال الي موجودين اختفوا الامير كان يطالع فيني وكان فرحان ومبتسم وقال عيونك فيه نظرة ذكاء نزلت راسي وابتسمت وكنت مستحيه قلت شكراً وتم يطالع وقال في عيونك نظرة(حنان وصفة ثانيه قالها ما اتذكر )قلت الحمدلله وبعدين قال وفي عيونك لمعه هذه اللمعه تطلع يوم نقابل شخص وتبين ان الشخص فرحان بمقابلت الطرف الثاني وقال في ناس يوم نقابله جفن عيونهم العلوي يرفرف ويرتفع لفوق(وكان يشرح الحركه بجفنه)قلت له ترى والله نحنا نحبك ونعزك والناس يذكروك بالخير لكن انا مو سعودية انا شفت الموقف الي صار للشخص وساعدتهم بالتنظيف (وكانه يدري بالموضوع بس يسمعني)قال انا اعرف وعشان كذا جيت ومهي لك مبلغ وسحب شنطة سوداء صغيرة وحطيت يدي ع الشنطه وقلت لا والله ما تعطيني شي انا ما سويت شي وهو يقول لا راح تاخذيها وفتح الشنطه وطلع منه (لعبة الورقة وكانت ثلاثة اجزاء وكانت عليهن رسمة الجوكر )قلت اكيد انه بيقول نتسلى فيها والفلوس كانت بالشنطه وهو قاعد يوريني الورقة كانت في ثلاث بنات صغار يمسكين الفلوس ويطالعين فيها واختفين هالبنات فجاءة وطلع من تحت السرير وطلع قدر (حله )فيها اكلت المرقوق (اكله اماراتيه عبارة عن خبز ومرق ودجاج )وقعد يغرف ويحط لنا بصحن وكان هو يحط الخبز ويقول لاخوي حط مرق ووبطاط قلت له خلاص يكفي لا تزيد وقال انا ابغى هالاكل لكم ما شفتي يوم قالوا لي اعطي الناس الي سلمت عليهم عشاء وقلت لهم لا لاني كنت ابغى هالاكل لكم.. وقال شفتي اختك وامها(اختي من اب ومرت ابوي(توفت قبل ما اولد) (وكاني كنت اشوف عمتي الي تقول هالكلام)قال زمان عرضت عليهم صمون وردوه ما عجبهم قالوا ما ياكلوا هالاكل قلت لا احنا عادي اي شي ناكل كله نعمة من ربي وكله اكل يشبع بس عندنا اختي الصغيرة هي الي تحب الرز الابيض وحتى ما تحب معاه شي غير الزبادي

السلام عليكم ورحمه الله وبركاته اختي الكريمه هل أنت لاجئة في السعوديه وهل لديك شخص مريض في الواقع رجاء كتابة الرد كرؤية جديده وليست في فقرة أضف تعليق وشكراً