خدمة تفسير أحلام

حلمت خير يارب انى دخلت محل دهب علشان اشترى حلق ذهب كبير فكان بائع الذهب اسمه عبد الجابر (موظف فى الحقيقة صغير فى السن) وكنت انتظر لان كان فيه زبونتين اثنين قبلى واحدة بخمار فقلتلها هتشترى ايه فقالت هبيع ولاحظت انها اشترت خاتمين و الزبونه الثانية كانت واحدة مسيحية ولكن ترتدى حجاب وكان معها القسيس بزيه جوزها فاشترى لها خاتم وقعدت تفرجنى وجاءت الست الثانية اللى بخمار على الخاتمين اللى اشترتهم وكانوا فرحانين ، وسألنى عبد الجابر هل معكى تمن الحلق قلت له ايوه وعايزاه كبير وفتحت شنطتى فكان فيها نقود ورقية وقلت لو ماكنتش بعت الحلق كنت كملت عليه وفتحت علبة الحلق اللى بعته فوجدت فيه فرده واحدة بس مطوسة فقلت خلاص لو مكفاش هبيعه واكمل علشان اشترى الحلق وكان عبد الجابر يتهرب منى فقلت مش همشى من المحل الا لما اشترى الحلق اللى انا عايزاه وصحيت علما بانى ٤٧ سنه وشايله الرحم وعندى ثلاثة اولاد

انتي هتحتاجي انك تخلصي بعض الأوراق الخاصه بعملك لكن في شغل يطلب منك عشان تخلصيه هتحتاجي ان انت مبلغ معين عشان تخلصي حاجات لك عايزه تشتريها او تجيبيها لكن في الوقت الحالي في بعض الازمات اللي بتمر بها وفي مشكله تحصل لك مع جوزك ولكن خذي بالك من المشكله اللي تحصل بكم عشان انتي مخنوقه شويه و متضايقه ان شاء الله هتعدي على خير ما تقلقيش في حاجات ان انتي هتحتاجي تخلصيها لكن في بعض العقبات امامك و هستعيني بمساعدة بحد يخلص لك الموضوع ولكن ايضا ليس كما تتمنى انتي زعلانه شويه الفتره دي لكن ان شاء الله هتعدي على خير عليك بكثره الاستغفار لكن انتي للاسف انتي شايله حمل ثقيل لوحدك ما حدش حاسس بيكي ولا احد شايل معكي وانت اللي عودتي اللي حواليكي ان انتي اللي بتشيلي كل حاجه عليكي ولما تعبتي وقعتي خلاص ده بقى واجب عليكي اصبح واجب عليك ان انتي لازم تعملي حتى لو تعبانه حتى لو فيكي ايه لازم تكملي لان الحمل انت اللي شايلاه هوني على نفسك و حاولي تعيدي حساباتك مره اخرى وتهدي شويه ومحدش هينفعك محدش هينفعك غير رجليكي اللي شايلاكي حاولي تهتمي بنفسك شويه كما تهتمي بالاخرين واللي انتي بتوفري دلوقت عشانهم و تعملي في نفسك كده هيأثر عليكي انتي ومحدش هيقول لكي انتي فين خذي بالك كويس جدا