خدمة استشارة أسرية
مقدم الخدمة نجلاء نوح (نسيم الصبا)
وعليكم السلام ورحمه الله وبركاته اختي الكريمه ربنا يحفظهم ويحميهم ويجعلهم ذرية صالحة مسألة الحركة الكتير دي محتاجه منك شوية صبر جيبيله ألعاب بازلز واقعدي معاه وقوليله لو ركبها صح هتديله جائزة حاجة بيحبها مرة مع مرة هيتعود يقعد ويركز أما بخصوص الأسئلة الكتير أنا عارفة ممكن تصدعي وتزهقي لكن الأمومة ياحبيبتي مش سهلة اصبري وجاوبيه الضرب هيخلق منه شخص جبان وبيخاف من أقل حاجة سيطري علي اعصابك شوية بدل ما تضربيه احضنيه وشجعيه حطي ادوات بسيطة في اي مكان ضوءه خافت واطلبي منه يجيبها وشجعيه هيقولك خايف قوليله عادي كلنا بنخاف حتة الراجل مبيخفش ومبيعيطش بتطلع شخص جامد عديم الاحساس لأ قوليله عادي كلنا بنخاف بس إحنا ممكن نكون أبطال ونتغلب علي خوفنا انت بطل وشجعيه بالكلمة دي الأطفال بيحبوها وبتولد جواهم إحساس بالتميز ولما يجيب الحاجة اللي طلبتيها حتي لو كررتي الموضوع ده ١٠٠ مرة مش مشكلة المهم تتبعي الأسلوب ده قوليله انت بطلنا وسقفيله احتوي خوفه أما بالنسبة لعنفه مع أخوه جبيله هدية وقوليله اخوك جبهالك علشان انت البطل بتاعه وبيحبه وبيحميه حسسيه بالمسؤولية اتجاه أخوه وأنه الكبير من غير عنف رجاء العنف بيولد عنف وهيبقي طبعه لا قدر الله ربنا يحفظهم ويحميهم ويقر عينك بيهم يارب