خدمة تفسير أحلام

حلمت اني نازله من عماره واني فضلت واقفه ف الشارع مستنيه مواصلات اركبها وكنت سقعانه وحاطه ع كتفي كوڤرته زرقا وبعدها قولت انا مش لاقيه مواصلات همشي قدامي شويه واطلع ع البحر روحت عشان اركب لقيت ميني باص فيه ناس بس مفيهوش كراسي وواحد فضل يتريق عليا وقفل الباب قولت خلاص هاخدها مشي ووصلت للمكان اللي امي واختي مستنياني فيه كانت جنينه بس عاليه عن الارض شويه بيطلعلها بسلالم وامي كانت قعده وجمبها شنط كتيرر اوي وبعدها قامت وانا فضلت واقفه لوحدي بعدين ابن خالتي لقيتو جه قولتلو عاوزه اتصل ب بابا زمانو خلص شغل وسالتو الساعه كام قالي 1 ونص قولتلو زمانو خلص دا بيخلص 10 ونص ونزلت سلالم الجنينه دي بس فضلت امشي ف شوارع كتيرر اوي والشوارع دي شكلها قديم وبحاول اطلع ع طريق البحر وكل مااشوف البحر واقول الشارع دا هيوديني ليه ادخل شارع يتوهني لحد ماشوفت البحر وقربت منو فعلا بس كنت ف جنينه ولقيت واحد رايح عند البحر زيي قولت انا همشي وراه عشان اوصل فضلت ماشيه وراه لحد ما نط من ع سور بينزل ع سلم صغير نطيت زيو ونزلت بس هو لما شافني عملت كدا رجع تاني وطلع السلم وخبطني بس انا كملت مشي ف شوارع كتير بس هو المره دي اللي فضل يمشي ورايا واكنو بيراقبني وكنت بحاول امشي بسرعه (أنا آنسه 21 سنه كنت مرتبطه بشخص بس ارتباط غير رسمي وسيبنا بعض وهو خاطب حاليا)

اضغاث احلام