خدمة تفسير أحلام

عزباء، 20 سنه حلمت اني بجهز نفسي ولبست فستان قصير لونه أحمر وبالطوو أحمر وحاطه روچ أحمر وكان ف بنتين معايا كمان ف الاوضه بيجهزو نفسهم، وفي راجل غريب معرفوش مش صغير ف السن ولا كبير اوي ف السن عدي من قدام الاوضه وقالي الله انتي جميله اوي واخترني من وسط البنتين وبقيت مراته، ولما كنا ف اوضه النوم سألني علي حبي الأول وان اللي كنت بحبه اتكلم معاه انا قولتله مفيش غيرك في حياتي دلوقتي وكنت قلقانه وبعدين قولتله استني اوريك دولابي فيه ايه وكنت عماله ادور علي قمصان النوم ومكنتش لاقيهم ف سألت امي قالتلي هتلاقيهم في الدولاب فضلت ادور عليهم مش لاقيتهم واختي جت عشان توريني فين هما طلعتهم كانو ملفوفين بشكل غريب ومعرفتش افردهم وبعدين لاقيت طرحه لونها بمبي بس كانت مقطوعه وحتطها ف الدولاب تاني وروحت لامي عشان توريني افك لفه القمصان ازاي وفعلا هي الوحيده اللي عرفت تفكهم وورتني الطريقه ولبست منهم وكان قصير.

بسم الله والصلاه والسلام على رسول الله إن صدقت رؤياكم أختي الكريمة فهي إشارة إلى تعرضك للخداع من شخص ما وسيسبب لك مشكلة وستلجأين لامك لحلها وستساعدك والله اعلم أسأل الله أن ييسر امرك ويفرج كربك ويحفظك من كل سوء