خدمة تفسير أحلام

(حاليا بتعالج من سحر تعطيل وحسد شديد ولله الحمد ف تحسن) حلمت اني كنت لابسه فستان ابيض وراكبه عربيه وجمبي العريس بس المكان ضلمه واحنا واقفين ادام عيادة اسنان مدهونه ابيض والنور ساطع منها ابيض وفجأه معرفش اي حصل والعريس مشي اللي هوه مش عاوز الفرح يكمل ولا عاوزنا نكمل طبعا انا اضايقت ومعاه صاحبه ولابسين زي بعض لبسهم اسود وچاكت بني ع صاحبه وتقريبا العريس برده وماشيين ف طريق سريع اللي بيعدي منه العربيات بس الطريق ضلمه وكان معايا ناس بقي كانهم حد بيدافع عني دخلنا العياده بتاعة الاسنان او بمعني اصح اقتحمناها حتي السكرتيره قالتلنا انه مينفعش ندخل مسمعناش الكلام ودخلنا وكانت لابسه الوان كدا واكتر لون البرتقالي (السكرتيره) والناس كانت مضايقه عشاني وهتخانق مع الدكتور بس الدكتور شكله كويس ومحترم جدا من طريقة كلامه مع مريضه برده وكان لابس لبس دكتور الاسنان ودخلو يزعقوا فجأه انا اصلا كنت لابسه فستان ببص ف المرايا لقيت نفسي لابسه نقاب ابيض معرفش ازاي لدرجة اني قلت انه مش انا بس كان شكله حلو فيا اوي (مع العلم احلامي بدكتور السنان كذا مره واخر مره دكتور سنان بيخرج من سنان معرفش انا ولا مين فار رمادي وجلده مقطع كدا كانه تعبان وحاطه ف برطمان وقفل عليه وكان الفار قبلها كأنه بيتخانق مع حاجه لونها ابيض صغير اوي والحاجه دي طلعت تجري منه)

دكتور سنان هنا في الحلم معناه الشيوخ في بتروحيلهم عشان تعالجي التعطيل اللي عندك اما عن العريس يعبر عن مناسبه لك ومش هتكمل بسبب التعطيل والسحر الضلمه هنا تعبر عن ان التعطيل يطول معك والامور صعبه شويه لو معالجتيش الموضوع و حاولي تتغلبي على هذا الامر وهذا التعطيل ودائما اي حاجه تدخلي فيها و تكون مصدر سعادتك يوقف الموضوع ما يكملش لكن في شيخ كويس انت هتروحي عنده عشان تتعالجي و هيكون كويس جدا هيساعدك جامد تتخطى بعض الصعوبات والعراقيل اللي عندك وان شاء الله في عريس يتقدم لك بعد العلاج مع هذا الشيخ وهيكمل الموضوع على خير ان شاء الله اما عن الفئران الفار والثعبان دليل على ان ده متعلق بالمس والسحر اللي عليك ودكتور الاسنان هنا تكراره يعبر عن الشيوخ وبعض الرقيه اللي بتقومي لها عشان تعالج التعطيل اللي عندك لذلك هيتكرر معك هذا الامر الى ان تجدي حل جذري لهذا الامر و ميتكررش معك مره اخرى عليك بقراءه سوره البقره يوميا و الاغتسال بماء السدر