خدمة رقية شرعية

بعد اذن حضرتك انا كنت كلمت حضرتك قبل كده وقولتلك اني عندي رسومات ب الشعيرات الدمويه ورموز ع رجلي... وحضرتك قولتلي اني عندي حسد وعين شديده ومحتاجه حجامه.... بس انا مفيش حد قدامي اقدر اعمل عنده حجامه يعني موضوع الحجامه معايا صعب.... ف انا حابه حضرتك تساعدني ببرنامج امشي عليه... انا هحكي لحضرتك بعض التفاصيل عشان اقدر افهمك وضعي... انا مريت ب أزمة نفسيه وبعدها علطول واحده صحبتي حسدتني ع شئ معين ف بعدها لقيت نفسي اعتزلت الجميع حتي اهلي وبقيت اقعد لوحدي ف اوضه ضلمه اليوم كله وبدأت تظهر عندي بقع زرقه ف جسمي وبعدها وجع دايم ف القولون وفقدان شهية وسقوط شعر... انا مكنتش اعرف ان ده معناه مس ولا حاجة وكنت قريبه جدا من ربنا وهو ظهر عليا لما قربت من ربنا وبدأت اقرأ سورة البقرة ظهرت عليا الأعراض دي كلها وأعراض تاني وجع أسفل البطن والضهر ونغزات ف جسمي والم شديد ف السمانه ورجلي تفضل تتنفض كده كل ما اسمع قرآن .. لغايت ما حلمت كذا مره اني عندي مس.. واحده يعني فسرتلي ان عندي مس... وبعدها اضطريت أبلغ ماما ف اول ما نطقت ان عندي مس بصوت عالي.. لقيت نفسي بصرخ جامد وعماله ارفص برجلي ع الارض واشد شعري وارفع ب ايدي رقم 3... وأعراض كتير تاني...ف جابولي راقي يرقيني.. أول جلسه كنت بتكلم بلسان الجن ف الشيخ سأله انت حد كلفك انك تيجي يعني مكلف بسحر ولا لا... ف رديت قولتله لا انا جيت لوحدي.. بس المهم يعني بعد محاولات من الشيخ أمره انه يطلع ولكن الجن قال انا مش عارف اطلع واطلع اروح فين... بس ف الشيخ سأل انت قاعد فين روحت انا رفعت رجلي.. يعني قاعد ف رجلي وهو فعلا اكتر مكان بيؤلمني ويتنفض هو السمانه وهو المكان ده اللي مرسوم عليه رموز ب الشعيرات الدمويه.... بس الشيخ قرأ عليا الرقيه 4 مرات بس... أول مره كنت مدمرة وبتكلم بلسانه وبضرب وبعمل حاجات غريبه... المرات الباقيه كنت بكون تعبانه و كنت بحس بوجود الجن بس كان أول ما الشيخ يدخل ويبدأ يرقيني مكنتش بحس بحاجه والجن كان يهرب وأفضل باقي اليوم كويسه ولكن يرجع تاني وقت الليل أو بعدها بيومين.... لغايت ما اهلي زعقو فيا وقالولي مفيش شيوخ تاني وعالجي نفسك بنفسك.... وانا بصراحه تعبت انا ليا 5 شهور مش عارفة اعمل ايه.. انا كنت بدهن الهدوم بتاعتي ب مسك احمر وبدهن مواضع الألم ب زيت زيتون مرقي وبغتسل وبشرب ماء مرقي... بس بردو مش راضي يمشي... أول لما ازعل من حاجه علطول الاقيه رجع.. بقع زرقه وشعيرات ليها شهور مش راضيه تمشي وكمان عندي ع المصليه بتاعتي محفور عليها شكل معين 🔹 ورقم 3... انا عارفه ان الجن ضعيف بس عايزة افهم بس هو كده معناها عامل لنفسه حصن ولا ايه... وكمان كان عندي كورة كبيره عامله زي كيس دهني كانت ف بطني ولما الشيخ رقانى اول مره اختفت منها جزء كبير... انا آسفه طولت علي حضرتك بس اتمنى تساعدني وتفهمني اللي عندي ده ايه وسببه ايه واعالجه ازاي بدون ما اجيب شيوخ تاني... الأعراض اللي مستمرة معايا دلوقتي برفض جدا نزول الشارع ليا شهور طويله مفتحتش باب الشقه... مش بتواصل مع حد نهائي.. عندي رموز ع رجلي والسمانه دايما وجعاني والقولون وألم أسفل البطن وبقع زرقه بتظهر وتختفي وفقدان شهية وسقوط شديد ف الشعر.... ومعلش ألفت نظر حضرتك لحاجه.. عندي دبدوب بتاعي الشيخ كان محذرني منه لانه ليه حوالي 8 سنين بحطه دايما جنبي ع السرير وساعات كنت بحلم بيه احلام مخيفه ف شلته جوا الدولاب.. ف لو في نصيحه بخصوصه قولي عليها مع العلم انا متعلقه بيه تعلق نفسي مش دلع والله انا اسفه

اولا لوسالت هتلاقي بعض الاخوات يجدن عمل الحجامه. المهم انت زدت الطين بله بجلوسك لوحدك ثانيا مادمت عرفه ال حسدتك خدي شيا من ان اثرها ياريت تتوضا وتغتسلي بوضوء ها او بقيه ماء كانت تشربه وتغتسلي به. ده اولا بعدين نكمل