خدمة تفسير أحلام

متقدملي واحد وأهلي رافضين 😔 حلمت ان كان حفلة تخرجي من الجامعة بس كانت ف مدرسه... وبعدها احنا كنا بنرقص ف الشارع أو بنحتفل مع ظباط وكنا مبسوطين جدا... وبعدها لقينا من الناحيه التانيه ظباط تاني من نوع تاني يعني تقريبا كانو أمن مركزي اللي بيلبسوا اسود دول كانو بيجرو ورانا و بيضربوا رصاص أو قنابل غاز.. بس ف احنا جرينا وبعدها استخبينا ف مكان كده مع بعض... ف انا كنت عايزة شنطني من المدرسة.. والمدرسة طبعا كانت مليانه ظباط ف اختي قالتلي خلاص مش مهم ما كلنا سايبين شنطنا وحاجاتنا جوا المدرسه... ف انا اتحمقت كده وقولتلها لا طبعا انا عايزة شنطتي دي فيها المحفظة وفلوسي ومش فاكره قولت فيها ايه تاني كده... بس ف بعد كده لقيت بنات اصحابي بس معرفهمش وتقريبا كان فيهم واحده اسمها ايمان... لقيتهم دخلو المدرسة وجابولي شنطتي.. ومعاها اكياس كتير اوي بيضه ومرسوم عليها زي لوجو كده برتقاني... الأكياس دي كانت بتاعتي ولسه جديدة يعني بس معرفش ايه اللي كان جواها... بس واحنا كنا لابسين تيشيرت التخرج لونه ابيض.. ف انا قولت لصحبتي شوفتي لو كنا لبسنا تيشيرت التخرج لونه احمر زي الكلية التانية مكنش حصل فينا كده... بس وبعدها قولت لصحبتي ابئي نزلي بوست ذكري لينا ع الفيس لليوم ده ف قالتلي اكتب فيه ايه؟... ف قولتلها خلاص هبئا انزل انا بوست ذكري بس هيكون بوست مؤلم حكي فيه اللي شوفناه ف اليوم ده بس هحكيه بطريقه مضحكة يعني عشان الناس 💔😔 بس ف ده معناه ايه بئا 😥

اول الحلم يدل على بعض الشغب يحصل في الشارع والمدرس حياتك والشنطه هي علاقتك بهذا الشخص ومازلتي في تواصل معاه دون علم احد ومصممه على الشنطه تصممي عليه ولوجو الجامعه =اللبس اللي وصيفات العروسه يلبسو صحبتك =اختك أن تقف معاكي في الموضوع ده عشان يكمل ويتم والذكرى المؤلمه أن لو سيبتو بعض هيكون ذكرى ومش هتعرفي تنسيه وتعيشي من غيره ومازلتي تعاني من الموضوع ده ومكتئبه بسببه وجواكي حزن كل اما تفتكري رفض اهلك وفرحتك اللي كنتي بتخططلها معاه ومع اصحابك وعليكي بالدعاء