خدمة تفسير أحلام

متقدملي واحد وأهلي رافضين.. بس نفسي يكون بينا نصيب... ف قبل ما انام طلبت من ربنا رؤية.. ف حلمت حلم غريب جدا وقومت من النوم مخضوضه كده... حلمت اني كنت تقريبا داخله الحمام أو واقفه عند باب الحمام... وبعدها كان معايا ماما واختي هي متجوزة.. و واحده تالته معرفش هي مين.. البنت دي كان معاها حاجه.. هو موبايل ولازق فيه زي صندوق كبير كده او حاجه غريبه يعني.. ف قالتلي ان الرسول ﷺ شاف ده عند الكعبة وقال عليها قطة.. روحت انا استغربت وقولتلها ايه هو ده ؟ ازاي يعني الرسول بيقول ع ده قطة؟... وانا شوفت قدامي شكل الكعبة وشكل الرسول اللي كان بيكلمها كان واقف بضهرو بس مش الرسول خالص يعني لانه كان لابس زي شال اسود وتحتيه جلبيه بيضه غالبا... بس وبعدها لقيت كلمة " الآن" مكتوبة ع الحيطة.... هي الدنيا كانت ضلمه وكلمة الآن مكتوبه بالضوء الأبيض... ف روحت انا قولت للبنت دي... طيب احمدي ربنا انك شوفتي كلمة الآن أو حلمتي بكلمة الآن... هي تقريبا كانت بتسألني ع تفسير حلم... ف قولتلها كده معناها ان قدرك هيتغير بسرعه مش هيطول.. وبيتغير الان....انا كنت اقصد مستقبلها يعني وحياتها الجايه.... بس وروحت قومت من النوم فجأه وانا مخضوضه اول ما قولت قدرك بيتغير الان... وفضلت شايفه كلمه الان فتره زي ما كانت موجوده ف الحلم... والبنت دي ملهاش ملامح لان الدنيا كانت ضلمه وكنت زي بكلم صوت بس لكن معرفهاش ف الحقيقه..

وقوفك في الحمام هنا معناه ان انتي في ضيق من الموضوع ده البنت اللي انتي شوفتيها دي هي حياتك وهنا تنبيه لكي ان انتي تكثري من الدعاء والصلاه على الرسول عليه الصلاه والسلام ان شاء الله تحقق ما تتمنى لكن في واحده في واحده واقفه لك في الموضوع وحواليكي امراه خبيثه مش بتحبك خذي بالك منها والكلمه اللي انتي قلتيها بتغير الاحوال ان شاء الله باذن الله تتبدل الاحوال فعلا الافضل والإحسن كلمه الان بس هتيجي بالعكس هتاخذ وقت معاكي شويه لا تيأسي استحملي شويه وانك مخضوضه أن فعلا رساله حقيقيه بتغير أحوالك أن شاء الله لكن عليكى بالصبر لأن الكعبه ترمز لمشروع تقبلي عليه لكن في انتظار حتى تحصلي على ما تتمني