خدمة استشارة أسرية
مقدم الخدمة نجلاء نوح (نسيم الصبا)
السلام عليكم ورحمه الله وبركاته اختي الكريمه للأسف الصفة دي عند معظم الأطفال وبيكون السبب فيها للأسف الأهل نفسهم الاطفال مش بيتولدوا بيها دي صفة مكتسبة بتبدأ بسؤال فضولي يتساله الطفل فيجاوب بكل براءة وطبعاً مع كلمة شطور يا حبيبي يبدأ يجود بقي ويقول أدق التفاصيل اللي يعرفها عن الطرف الاخر وبكدة نكون خلقنا شخصية سيئة للغاية لكن الحل موجود طبعاً بإذن الله اولا منسألهوش عن اللي حصل في بيت الأهل أثناء الزيارة نهائي ولو هو فتح الكلام وقفيه وطبعاً بطريقة هادئة وتحسسيه إنك مش عايزة تعرفي حتي لو هتومتي وتعرفي اتحكمي في رغبتك إنتي الأول إحنا ستات وعارفين الاحساس ده يبقي أول حاجة أمنع نهائي أنه ينقلي الأخبار طيب ايه السبب خلاص يا حبيبي أنا بقي بابا بيحكيلي متشغلش بالك انت وبرضوا هو اللي هيقول لتيتا فمش ضروري انت تحكي مرة مع مرة هتسحبي منه مهمة العصفورة لأنك لو قولتيله حرام بذكاءه هيقولك وأنتي لسة عارفة إنه حرام الحل قللي من أهمية الأخبار وأنتي عرفاها مسبقا وكذلك تيتا وعمتو حتي هم لو سألوه هيقولهم مش ماما قالتلكم هيتكسفوا ومش هيسألوا تاني وربنا يباركلك فيه ويحفظه ويجعله ذرية صالحة يارب