خدمة تفسير أحلام

الي صاحبة علاقتنا كانت عميقة جدا لكن بالفترة الاخيرة علاقتنا متوترة جدا لان هي مرت بابتلاء من فترة وانا للاسف ما وقفت معها كما ينبغي رغم طلبها فزعلت مني وتازمت العلاقة جدا.. وحاليا لو جيت احن عليها بتتجاهلني وبترفضني. فحلمت انه بصحيها ع صلاة الفجر بس كنت انا صاحية قبلهاومتوضية ، بس ما شفت حالي وانا بصحى وبتوضأ . بدا الحلم وانا بصحيها كنت بصحيها بحنان وتقريبا كانت نايمة بغرفتنا ويمكن ع فرشتي . لما صحيت كان بيتنا فمشينا في الممر للمغسلة تتوضا وانا حوطتها بايدي اليمين ع كتافها. فمرينا بغرفة امي فبحكي لها انه امي شوفي وبورجيها لامي ومبسوطة فيها انها عنا. وفيه مشهد كنا في غرفة القعدة وهي قاعدة ع الكنباي وانا واقفة واعتقد بدي اصلي وبحكيلها يلا. بس هي عم تنشف بعد الوضوء او بتلبس جراباتها او بتعمل شيء ما بعرف. وانا بحكي لها يلا. بعرفش ليه بقلها يلا بس كأنه عشان نصلي جماعة او شيء هيك فقاعدة بستناها وبقولها يلا.. بس قالتلي ما استناها وانه هي لحالها بعدين بتقوم (مش معي) وانا بداخلي زعلت لانها رفضت.كنت متعشمة سوا. ملاحظة: بالحلم كنت بصحيها وبمسكها بحنان زي ما زمان كنا حنونين على بعض زمان.. لكن هي متجاهلة ومو متفاعلة.. وبالمشهد الاخير رفضت نعمل الشي سوا (زي ما احيانا بتعمل فيي حاليا) وانا بداخلي زعلت.. ارجو تفسير الحلم وما معنى اني بصحيها الفجر .

علاقتكما ستستقيم بعد خصام ..وانت ستسدين لها النصيحة وتساعدينها في امر ما يخصها وهو تعبير ايقاضها لصلاة الفجر .