خدمة تفسير أحلام

انثي عزباء حلمت اني واقفه في مكان ظلمه والسماء فوقي وكان فيه مرايا وقفت قدام المرايا وقولت بكل حزن انا تعبت يااارب خدني عندك وعماله اقرر كلمه خدني عندك يااارب وفعلا استجاب ف الحلم ورأيت شئ ضخم نازل من السماء باجنحه ضخمه ملك الموت ظهر لي وشكله كان مخيف جدآ لكن انا مش خوفت منه واخذ روحي وطلعت للسماء في مكان جميل جدا في كل حاجه الانسان محتاجها ورأيت أنواع الفواكهه في كل مكان ورأيت نهر جميل ، وقولت لملك الموت انا عايزه اشوف بابا قالي في تلاته في النار أبوكي واخوكي وستك ووداني هناك اشوف بابا لكن شكل النار كانت نار عظيمه ووراني صورهم وهما ف النار ونايمين علي الجنب الشمال ، وبعدين سالت ملك الموت هي فين السيده خديجه نفسي اشوفها جدآ وقالي علي مكانها بالضبط ووداني ليها بس هي لما شافتني خافت مني لان شكلها يختلف عن شكلي بكتير هي كانت روح وانا شكلي زي ما كان في الارض بجسمي زي ما هو ، وبعدين قولت انا عايزه اشوف ربنا وفعلا ملك الموت وداني ف مكان موجود فيه عرش جميل جدآ وبعدها ظهر علي العرش نور شديد وعظيم فضلت اعيط جامد في الحلم واقول ل ربنا انا عايزه ماما انا مقدرش أعيش من غيرها لدرجه ان صوتي راح ف الحلم من كتر العياط وكل ما النور يقرب مني بحس براحه أكتر وبعدين ف الحلم شوفت كل حاجه بدأت تختفي وحسيت ان روحي بترجع لجسمي تاني وشوفت شريط حياتي بيعدي قدامي ورأيت وأمي تبكي عليا بشده ولابسه أسود واخواتي حواليها ولما بدأت اتنفس حصلتلي تنهيده جامده وصحيت ولما بدأت اتكلم لاقيت صوتي رايح خالص زي ما كان في الحلم وحسيت ان الحلم حقيقي معرفش ليه مع العلم اخي متوفي وهو عنده سنتين

هل حدثت معك مشاكل جعلتك تيأسين أو تتمنين الموت؟هل والدك وجدتك على قيد الحياة ؟يرجى كتابة الجواب كما لو كنت تكتبين حلما جديدا وليس في فقرة اضف تعليقا مع الشكر الجزيل.