خدمة تفسير أحلام

السلام عليكم حامل وعندي بنت حلمت ان حماتي وبناتها رايحين فرح ومش عايزانى اروح معاهم وهتاخد بنتي معاها وبنتي كان شعرها مش كويس فبستها وقلتلها خليكي معايا يا ماما... وبعدين لقيت نفسي قاعده في مكان على كرسي وفيه كراسي تانيه جت وحده قعدت ابن ابنها جمبي وبعدين لقيت نفسي نزل عليا ميه من الرحم فقعدت اجري وامي كانت معايا عشان اروح لدكتور اطمن على البيبي رحنا لدكتور وطلعنا دور مكنش فيه حد موجود فببص لقيت زي مصران طالع. من فرجي قعدت ابكي وخفت وقعدت اقول انه كدا هينزل خايفه ليجرا له حاجه وفجأه طلع الدكتور من اوضه وقلي على طول تعالي هوريكي حاجه وخدني من ايدي وكشف بالسونار وشفت البيبي كامل زي ما يكون حقيقه الشاشه كانت زاهيه جدا غير السونار العادي لقيت فيها البيبي راسه من الناحيه اليمين زي ما تكون خبطه كدا لونه احمر ولقيت سمكتين فاتحين راسه من فوق وبياكلو فيها وان في الحلم ليا سبع شهور وعشر ايام تقريبا.... في الحقيقه انا لسى موصلتش لشهر السابع.... وبعدين أن هينزل قيصري وانا حزنت جدا وقعدت ابكي وصبعان عليا انه هينزل والتعب الشفته فيه وبعدين جي اخويا ويكلمني او بيهزر معايا مش فاكره كويس فقعدت ابكي والطم على وشي واقله ياخي سبني في حالي وبعدين قعدت افكر قلت يمكن كدا احسن ما كان البيبي يعيش معاق ويتعذب طول حياته الحمد لله وبعدين لقيت خالتي وجدتي وفتحت درج وطلعت منه حاجه عطتها لخالتي فقالت دسيها عشان ستك متشفهاش وخالتي كانت بتكلم جوزها وانا دخلت محل ملابس بتفرج على ملابس بنات حلوه فمرات خالي جت بتسألني متعرفش جوز خالتك رد قال ايه على العريس قلت لها هو كان هو خالتي بيتخانقو وبيقلها انه مش كويس ومش مناسب وقبلها كنت بقلهم اني كنت ببعت لشيخ يفسر لي احلامي وكان بيقولي ان الحمل مش هيتم....تم... انا خايفه جدا من أحلام والكوابيس البتجي ليا على طفلي بترجاكي اطمئني انا قبل ما انام كنت بسمع سوره يوسف وتوقف عنذ الايه الفيها الراجل البياكل الطير من راسه فهل ممكن اكون اتاثرت بيها فحلمت الحلم دا... لو الحلم بيدل على حاجه وحشه هتحصل لطفلي لو سمحتي قولي ولو فيه آيات او اي حاجه تقربني من ربي يحفظ لي بيها طفلي انصحيني.

حبيبتي دي أضغاث احلام نتيجة خوفك وقلقك علي طفلتك والجنين استهدي بالله واستعيذي من الشيطان الرجيم وإن شاء الله أمورك هتبقي تمام والله اعلم أسأل الله أن ييسر امرك ويفرج همك ويرزقك من حيث لا تحتسبي