خدمة تفسير أحلام

حلمت اني كنت انا وبنت عمي فواحد السوق وبانت ليا واحد لمرا كاتبيع شي حويجات وبانت ليا عندها واحد الكسوة فالبيج غزالة فاش مشيت نقلبها لقيتها خايبة ونا نهز واحد المونطو فلكحل زوين عجبني فاش كنت غانقيسو يلاه لبست واحد ليد وجاني مزير ونا نقول لبنت عمي هدا مزير عليا ونا نهز مونطو أخر حتى هو كحل وزوين وفاش قيستو جا قدي وعجبني ونا نسلتو وقلت ليها بشحال هدا قالت ليا سطاش رمية ولا ماعرت تمنطاش رمية ماعقلتش ونا نقول لبنت عمي واو رخيص انا كان كايتسحاب لي غاتقوا ليا كثر وهيا تبان ليا واحد الشكارة فالكحل زوينة هزيتها ولبستها كانو صماتيها كبار ونا نقصرهم ليها ونا نقول لبنت عمي كيف جاتني واش زوينة وكانو شي دراري مقابلينا وكايشفو فينا هو ايجي خويا كبر مني هو يقول لينا شنو كاديرو هنا ومشا كايخاسم على دوك الدراري صافي هو يقول لينا يلاه سيرو لدار وقال ليا انا علاش ماديراش الكمامة قلت ليه نسيتها وفاش كنا خارجين من السوق بانو ليا شي مياكي حدا الباب فيهم الكمامة وهزيت وحدة ودرتها شوية كاتبان ليا بنت عمي شي واحد ركبها فوق المطور ومشات وخلاتني ونا معرفاش طريق خايفة لا نتوضر وقلت مع راسي نرجع لسوق نشري داك المونطو و نقلب على خويا يوصلني لدار وفاش كنت راجعة كنت مخلوعة ودخلت لشي دروبة بحال شي متاهة درب اخرجك فدرب حتى كانقول صافي هاد الدرب هو لي بقا ونخرج لطريق حتى كانخرج فدرب آخر بعض المرات كانجري ومرات غير كانزرب وهادوك الدروبة لحيوطة غير نتاوع التراب وفيه شريجمات نتاوع الحديد مصدين وهي تبان ليا واحد لپيكالا متكيا على واحد الحيط فرحت قلت غانركب فيها وغانوصل دغيا ولكن لقيتها خاسرة ماعندهاش لݣيدون وصافي بقيت جاراها (مع العلم بنت عمي متزوجة انا وخويا مزال )

طبعا المنام الجزء الاول اللي رؤيا والباقي فهو اضغاث ،عنوما يتقدم لك شخص غير مناسب ثم يتقدم لك شخص آخر غيره مناسب لك لكنه بسيط يعني ليس غني ولكن سيعحبك والله اعلم