خدمة تفسير أحلام

حلمت ان احنا عند بيت مش عارفه بيت مين اعتقد بيت خالتى وكان عندهم مناسبه فرح وكنا هناك انا واخواتى الاتنين الاكبر منى لما رحنا انا كنت لابسه لبس بيتى كنت لابسه بلوزة بيضه قصيرة وبنطلون اسود وكان معايا كيسه فيها الهدوم الخروج الى هلبسها واحضر بيها الفرح عنت الكيسه جمب الحيطه عشان ابقى البس الهدوم بعدين شويه واختى نادت عليا وقالتلى تعالى سلمى ع الدكتورة بتاعتك ( هى كانت دكتورتى ف الكليه بتدرسلى يعنى واسمها هدى ) فهى كانت قاعدة بره البيت ع تربيزة وكراسى هى واخواتى وناس تانيه فانا روحت بس كنت مكسوفه من هدومى عشان هدوم بيتى هطلع بيها برا البيت وسلمت ع الدكتورة وبوستها وسمعت اختى بتقولها عليا اهى طلعت التالته ع الدفعه وقعدت ف البيت مش لاقيه شغل( انا ف الحقيقه طالعه العاشره ع الدفعه مش التالته) فانا كنت مستغربه من كلام اختى بس مش اتكلمت بس كنت حاسه ان الدكتورة مش حبنى خالص وانا واقفه شوفت عربات من بعيد فقولت هروح البس عشان شكل عربيه العروسه جت فدخلت البيت البس فضلت ادور ع الكيسه الى فيها الهدوم كتير وادخل كل اوضه وادور هنا وهنا ومش كنت لاقيه الهدوم وانا بدور ع الهدوم كان ف ست كبيرة عجوزه يعنى بتكلم ولد هى كانت بتكلمه ع ازايز الكاكولا وكدا بس مش كنت مركزة ف الكلام المهم لاقيت الست دى بتقولى انا مش قولتله انى هاخد الكاكولا دى ليكم بس هديهالك انتى واخواتك عشان تشربوها انا قولتلها مش عايزين اصلا قالت ازاى لازم تشربوا المهم سبتها وروحت ادور تانى ع كيسه الهدوم وانا بدور كنت بلاقى كياس كتير بس مش بتعتى وكنت بشوف بردوا اوضه ينفع اغير فيها دخلت اوضه كانت وسخه جدا وارضيه وسخه عليها زى طين او تراب مش فاكرة ودخلت اوضه جوا اوضه وقولت هبقا اغير هنا وانا بدور ع الكيسه بنت قابلتنى ( انا معرفهاش فالحقيقه) ولقيتها بتقولى كنتى جميله ف ( مش فاكرة قالت ف ايه) فانا قولتلها اه انا هروح البس وبدور ع مكان البس فيه وسبتها ومشيت ولقيت كيسه الهدوم بتعتى اخيرا واخدتها عشان اروح البس وصحيت ع كدا...( هو البيت الى ف الحلم مش شكل بيت خالتى ف الحقيقه ) انا انسه واخواتى الاتنين متجوزين ..

اول حاجه انت ترتبطي بشخص ارتباط غير رسمى وتشوفي وظيفه لك اذا كان في الوقت الحالي مش هتلاقي بالرغم من المكانة اللي وصلتلها هتتعبي شويه في حياتك والغرف اللي انتي بتدخليها دي ده يعبر عن بعض المواقع على النت وان انتي بتدوري على اي حاجه تفيدك او عمل او بتشوفي اي موضوع يخصك وتعرفي تستفادي منه لكن للاسف في بعض المواقع اللي بتجيب لك حاجه كده زي ما تقولي بعض الاكتئاب وزعل انك تدوري على كيسه دليل على ان انتي بتدوري على اي امر لكي في منفعه وتستفادي منها وتحاولي تحصلي على أي معلومه أو وظيفه مهمه لكن في الوقت الحالي مفيش ولكن ان شاء الله ربنا يكرمك بعريس كويس والشغل صعب شويه في الوقت الحالي عليكي بقراءة سورة البقره يوميا