خدمة استشارة أسرية

هحاول اختصر، انا وزوجي حصلت بينا مشاكل وصلت للطلاق ولكن رجعني غصب عني وحصلت أحداث كتير جدا منها إهانه وعدم احترام ليا رغم اننا جامعيين ولما طلب يصلح كنت قفلت منه حرفيا ولكن مع إلحاحه قولتله تكتبلي مؤخري في جزء من الشقه علشان متفكرش تطردني تاني، وبعد اصرار مني وافق ولكن بعد ما بقينا كويسين اخدها مني بحجة انه هيوثقها لكن اخدها وقطعها مع العلم قولتله مش محتاجه توثيق،طبعا اتصدمت فيه جدا ونزل من نظري واتفاجئت بعدها انه حكى لأهله ووالده قال عني طمعانه فيه رغم ان زوجي لما قعد من شغله ونص انا اللي كنت واقفه ف ضهره ولا طلبت شبكه تجيلي ولا روحت شهر عسل رغم ان اهله مبسوطين ماديا لكن انا تزوجته بدون أهله وحاولت اني اسنده يقوم وميستسلمش انه ساب الشغل وفعلا ذاكر وبقى احسن مليون مره وبعد دا قال عني طمعانه فيه رغم اقسم بالله ولا يهمني كنوز الدنيا لكن كنت حاسه انه طلب احفظ بيه ماء الوجه،من وقتها بقالنا ٤ شهور بحاول اكون كويسه لكن انا نفسيا متدمره مش حاسه بآمان معاه وحاسه انه شمت فيا أهله وقبل ان مرات باباه تقولي كلمتين، رغم اني اتطلقت ومحكيتش لأهلي حتى وقعدت معاهم أسبوع كأني برتاح شويه ومرضيتش اهز صورته قدام أهلي، مشكلته بقى انه حتى محاولش يصلح محاولش يداوي بعد اللي عمله، مش قادره اكمل وانا حاسه انه مصانش العشره ووقفتي جنبه ف ازمته وانه كان ف نظر كل الناس غني لأني بفضل الله وستره ربنا جعلني سبب في ستر جوزي قدام كل الناس حتى أهله وأهلي، مرت الايام وقعد من شغله تاني ولكن المره دي في طفلين، واقفه جنبه سواء رضيت أم أبيت لكن المره دي مش حاسه انه يستحق ادعمه واني مضطره اعمل كدا علشان الأولاد، انا تعبانه ولو اقدر أهرب من الدنيا كلها هعمل كده انا مش لاقيه حتى من جوزي كلمه حلوه ولا طبطبه حتى ف تعبي،ارجوك يا دكتور قولي حاجه تهون بيها عليا وقوله نصيحه يعملها يقدر يبرد بيها قلبي من ناحية اللي عمله وقاله لأهله عني، في أحداث كتير جدا لكن مذكرتش كل حاجه، متزوجه بقالي ٤ سنين عندي ٢٦ سنه وهو ٣٧ سنه

تم الرد في التعليقات