خدمة تفسير أحلام

السلام عليكم لو سمحت حلمت إني كنت بشتري طلبات من السوبر ماركت وجبنا مكرونه وتونه وشوفت نوع جيلي جديد عجبني سألت عليه بكام صاحب المحل قالى ب15ج مكنش معايا فلوس قلت هجيب فلوس واجي أخذه وكان معايا امي وخالتي مستنين فى الشارع قولتلهم عاوزه اجيب الجيلي دا وأخذت منهم فلوس وأنا راحه اجيبه لقيت نفسي ماشية في الشارع مع أخي والرئيس السيسي وأنا فى النص بينهم (وكان بشكله وهيئته الحقيقية) ورحنا مكان صاحب السوبر ماركت مش لاقناه مش عارفه ناس قالوا انه مات او مشي مش متذكرة بس لقيت الجيلى اللى أنا كنت عاوزاه على الأرض مكان المحل أخذته ورحنا لأهل صاحب المحل عشان نحاسبهم عليه وأثناء ماشينا فى الشارع اتكلمت مع السيسي وأخبرته انى وأخي توأم وعن شهر ميلادنا 1.7 قال وأنا تاريخ ميلادى 14.7 وتكلمت معه عن الخوف من الله واخبرني انه يتقي الله وكل ما يفعله لمصلحة الدولة قلت له المهم هو رضي الله عنك ودعوت له وقلت له انى دائما أدعو له... وهذا حقيقي ( دائما فى دعائي ان يوفقه الله لما فيه صلاح العباد والبلاد) وأثناء الكلام سأل أخي أنت جندي فى الجيش قلت له أيوا (ودا حقيقى) اخرج من جيبه مجموعة من الكروت وعطاها لأخي قاله خليها معاك هتساعدك قولتله وأنا كمان عاوزه عطاني كروت أكثر ووجدت فيهم ورقة واحدة هي نوع من أنواع الفلوس بس مش مصرية ومش عارفه عملة ايه؟ عرفته ليكون عطهانى بالغلط قال لا عارف خديها ودخلنا بيت الناس اللى هنحاسبهم على الجيلى وهو كان عاوز جيلي زيه وأنا كنت قلت لو مفيش غير دا هعطهوله وانا ابقي اجيب بعدين... وسألت الناس فى عندكم جيلى تاني؟ قالولى آه قولتلهم عاوزه كمان واحد واحد لى وواحد له ودفعت ثمنهم من معايا واحنا عند الناس عملونا شاي وفى حاجة بس مش متذكراها ان أنا قلتها للرئيس السيسي خالته يعيط وأنا زعلت انه عيط بسببي وطلبت من واحدة من اصحاب البيت مناديل وعطهاله وكان بيشرب الشاي وصحيت على كدا. ممكن التفسير جزاك الله خيراً.

هل انت مرتبطة أو مخطوبة لشخص من غير جنسيتك؟ يرجى كتابة الجواب كما لو كنتي تكتبين حلما جديدا وليس في فقرة اضف تعليق مع جزيل الشكر.