خدمة تفسير أحلام

حلمت اني مريضة وزوجي بيحاول يلاقي الدواء ليا و بعدين كلم والده في التليفون يسأل عن الدواء و انا سامعاه بيقوله ظبط مراتك و انا لقيت الدواء (زيرتك شراب للحساسية)بس ماخدتش منه و قلت لجوزي اني لقيته و بعدين طلعت البلكونة لقيت ان ابني الصغير (عمر)طار من بلكونة البيت(طيران كأنه طائر ولكن بدون اجنحة) المفروض انه بيتي في الحلم بس هو مش بيتي في الحقيقة و نزل في بلكونة ثانية(البلكونة مفيهاش حد بس في ناس في الشقة نفسها لان كان في نور) في عمارة قدامهاو كان واقف عادي مش بيبكي ولا حاجة بس بيتفرج من البلكونة و مش بيبص ليا و انا عايزة انزل اجيبه و جاءت سيدة كبيرة لا اعرفها و جلست على كرسي و قالت لازم تكلمي الغفير يفتحلك الباب (تقصد باب عمارتي في الحلم)و انا بقولها اتصل بيه يعني و كان في ايدي تليفوني و كان جنبي بنت خالي اسمها سالي في الحقيقة و بتقولي استني قلتلها لا يا سوسو بس كنت بصرخ و انا بقولها الحلم دا كان ١.٣٨ و صحيت مفزوعة و قعدت ادعي ربنا انه ما يحرمنيش من اولادي و بعدها نمت تاني وحلمت ان عمر برضو اكل صابون غسيل بودرة بتاع الغسالة الاتوماتيك و كان بيطلع فقاعات تقريبا واحده او اثنين مش فاكرة و كانت كبيرة و صحيت على الفجر انا في مشاكل مع زوجي ارجوكي طمنيني لاني خايفة جدا على ابني لم يقع الطلاق ولكن هو ترك المنزل و افكر في الطلاق فعلا

السلام عليكم ورحمه الله وبركاته اختي الكريمه الحلم إشارة إلى أن زوجك قد يستخدم الاولاد كوسيلة للضغط عليكي بأنه يحاول أخذهم سواء بالقوة أو بالقانون المهم أن الاذي مش هيكون لا قدر الله جسدي والله اعلم ولكن سيكونون وسيلة للضغط عليكي والله اعلم أسأل الله أن ييسر امرك ويفرج همك ويرزقك من حيث لا تحتسبي ويصلح الأحوال يارب العالمين