خدمة تفسير أحلام

السلام عليكم حلمت اليوم انو مسوين زواج اختي الكبيره في استراحه وصحبتي الي تقرب لي من بعيد وعمتي يتهاوشون وفجأه صحبتي تقوم من مكانها تنط ع عمتي تضربها ويضربو بعض واختي الي هي عروسه قاعده وسطهم ساكته وانا واقفه ورا كنت توي دخلت الغرفه اشوف هالمنظر وافرق بينهم واعاتب صحبتي اقولها اش معنى الحين ليش بزواج اختي ليش تبو تخربوه وابكي فيها واقوم امسح دموعي واقول ما صار شي خلاص مااحد يقدر يخرب زواج اختي خلينا نكمل وشكل صحبتي مبهدل كأنها تعبانه وعمتي متكشخه بس لابسه عبايه كأنها توها جايه وفجأة اشوف انا واختي بالحاره راجعين من مكان في آخر الليل واختي تطلعني بالقوه بيت وحده نعرفها واختها كانت ابلتنا المهم تطلعني هناك وانا رافضه واقولها ليش نطلع هالبيت بهالوقت ومستغربه منها وتقولي لا نطلع الحين عادي ونلاحق ثنتين نعرفهم ساكنين بالحاره هما طالعين نفس البيت كأنهم رايحين ياخدو درس وانا خايفه اقول من زمان م جينا ولا سمعنا الدرس ليش تبي تطلعينا الحين بتسألنا الابله ونطلع ونشوف فالصاله قاعدين ألي كانت أبلتي وامها وصحبتها برضو كانت أبلتي هي كمان قاعدين يتفرجو وعادي ما استغرب لما جينا ولاشي وقعدة أبلتي الأول تسولف معانا مدري اش كانت تقول والي كنا نلاحقهم ما كانو قاعدين مع الابلات واختي تقوم وتدخل غرفة بابها مقفل تفتح الباب وتدخل نشوف في بنات كثير قاعدين ومن ضمنهم البنات الي كنا نلاحقهم وقاعدين يسولفو تقريبآ كانو ١٠ او ٨ كذا البنات وما اعرفهم كلهم بس ثلاث منهم الي كنا نلاحقهم و وحده كأنها الغرفه هي ساكنه فيه اعرفها والباقي م اعرفهم وقاعدين ولابسين كلهم قمصان طويل ونور الغرفه كأنه أعلى من نور الصاله ولما تفتح الباب اختي كلهم يطالعو فينا وندخل نسولف مع البنت الي كأنها صاحبة الغرفه وفي بنتين بس يبو يتمشكلو معايا وحده مو مخليتني بحالي تدف وتقرص وانا ساكته وثانيه تسوي نفسها حبوبه وتسبني بصوت خافض وتقولي وع مكياجك مو حلو روحي غيري وبس تسبني فجأ اعصب اقعد اصرخ فيهم واقول اجل هذولي الي قالولي فالتفسير انهم حاسديني وانتبهي منهم ويخدعوكي واقول هالكلام وانا ملتفته لاختي واشر عليهم البنات باصبعي واتضارب معاهم واحس اني ارتاح لما اضربهم وانتهى الحلم انا عزباء واختي تزوجت من قبل ثلاث شهور وصحبتي الي شكلها تعبان هي تعبانه هالفتره شوي

وعليكم السلام ورحمه الله وبركاته اختي الكريمه بسم الله والصلاه والسلام على رسول الله إن صدقت رؤياكم أختي الكريمة فهي في نظري وليس تأويل هي تجسيد لحياتك اليومية علاقات اصدقاء البعض منهم متطفل والبعض الأخر غيور حاسد وللأسف انت تعطين للناس مساحة لإبداء رأيهم في خصوصياتك وتهتمين كثيرا برايهم وهذا يستنزف طاقتك ونجحوا في تصدير الطاقة السلبية لك وجعلوا منهم مقياس أو مؤشر لكل تفاصيل حياتك ومن الواضح أيضاً إنك شخص صعب التخلي عن علاقاتك الاجتماعية ونسيان أشخاص مروا في حياتك كالمدرسات وزميلات الدراسة فنتج هذا الحلم الغير مترابط أختي الكريمة غربلي علاقاتك حددي دائرة معارفك لأنكم بالفعل محسودين وتحتاجون التحصين بالرقية الشرعية وقراءة سورة البقرة والاذكار والله اعلم أسأل الله أن ييسر امرك ويفرج همك ويرزقك من حيث لا تحتسبي