خدمة تفسير أحلام

سلام عليكم لو سمحت حضرتك انا حلمت حلمين اول واحد ان عمتي اخت زوجي واقفه فوق سطح منزلي ووجدت ثعبان حدفته علي الأرض وكانت بنتي الصغيره نائمه بداخل المنزل والباب مفتوح ف دخل الثعبان المنزل ف جريت عند البيت اللي بجواري بيت سلفتي ف وجدت حماتي المتوفيه من 4 شهور جالسه امام المنزل وقدامها طشت كبير مليان سمك بيلعب وزوجي قاعد قدامها وسلفي ف حماتي قالتلي هاتوا البنت الصغيره من جوه انقذوها من الثعبان وبعدها صحيت من من النوم وتاني يوم حلمت اني داخله المنزل بتاعي لاقيت غرفتي الأرضيه منخفضه لأسفل ووجدنا فيها اثار في الارض بصيت لاقيت اثار كتير ف ببص فاجئه لاقيت حاجه خوفتني جامد واتخضيت قالوا دا دي الحاجه اللي بتحرس المقبره ماهو تفسيرهم وشكرا

وعليكم السلام ورحمه الله وبركاته الحلم الأول رسالة ليكي إنك تهتمي ببنتك وديري بالك عليها وتحصنيها بالرقية الشرعية دائما لأنها العين عليها وأن شاء الله جايلكم رزق بإذن الله والله اعلم الحلم الثاني إشارة إنك تنتبهي لحياتكم واضح أن في حد راصدكم وبيحسدكم فالزمي تحصين نفسكم وبيتكم بالرقية الشرعية والاذكار وقراءة سورة البقرة والله اعلم أسأل الله أن ييسر امرك ويفرج همك ويرزقك من حيث لا تحتسبي