خدمة تفسير أحلام

حلمت ان انا بجهز عشان فرحى او خطوبتى وبدات البس لابست فستان الفرح ولابست بنطلون جينز ازرق تحت الفستان وكان طويل خالص وواسع عليا وطلعت من الاوضه لقيت ناس قرايبنا جم وكدا وفى الحلم كأن معرفش العريس ولا قعدت معه قبل كدا وهنعمل خطوبه ع طول وبعد كدا اتعرف عليه بس انا كنت بقول لنفسى كان لازم يكون ف فترة تعارف قبل ما اتخطب انا وافقت ليه المهم بعد كدا لاقيت ماما بتقولى هسميكى حصان بس مش فاكرة قالت كدا ليه وبعد كدا لقيت صحبتى نورا جت وكانت شايله طفلين اكنهم عيالها وجت تباركلى ف الحلم وانا مش كنت مصدقه انها حضرت وكنت فرحانه جدااا بس بقول ف بالى كانت جت بكرة عشان تحضر الفرح احنا مش هنعمل دوشه ف الخطوبه وكدا وسالتها عرفتى ازاى ان النهاردة خطوبتى قالتلى اختك قالتلى ودخلت قعدت وكان ف شاى صبيت كوبيتن ليه واحدة والتانيه ليها وهى شربت بتاعتها وانا شربت بوق حسيت ان طعم الشاى محروق وكمان كان بارد مش سخن فانا قولتلها شربتيه ازاى دا طعمه وحش وبارد قالت انتى قدمتيه وانا شربته وخلاص قولتلها هعملك كوبايه شاي تانيه قالت ماشى المهم دخلت جوه ع اوضه النوم وفضلت ادور ع بنطلون غير البنطلون الواسع الى كنت لابسه ونسيت اعمل لصحبتى شاى وانا كنت ف الاوضه بدور ع بنطلون وكانت معايا اختى بتدور معايا بس مش لقيت بناطيل ودورت كتير بس مش فاكرة ف الاخر لقيت بنطلون ولا لا وخالتى جت وخبطت ع باب الاوضه وسمعتها بتقول لماما انتى لازم تسميها (عشان حاجه بس مش فاكرها)ماما قالتلها انا سميتها حصان فخالتى قالت هاتيلها عروسه بقا شكل عشان الحسد او كدا مش فاكرة وبعد كدا طلعت من الاوضه ولقيت صحبتى نورا بتقولى همشى بقا عشان مش اتاخر قولتلها استنى اشربى الشاى هعمله بسرعه قالت لا ومشيت وزعلت عشان مش عملتلها شاى المهم طلعت معاها ف الشارع عشان اوصلها شوفت واحد راكب مكنه ووراه راكب واحد تانى بس بابا شاوريلى ع اللى قدام وقالى دا العريس فانا قولتله شكله كبير قال ولا كبير ولا حاجه دا هيقعد معاكى اربع شهور وهيسافر وانتى باقى الشهور هتروحى الكليه قولتله اه ماشى وانا كنت بقول لماما دا شبه السلطان سليمان الى ف مسلسل حريم السلطان (الشخص دا كان مش عنده شعر وكان لابس بدله سودة وبوبيونه لونها احمر ) .... عزباء ومخلصه كليه صحبتى متزوجه وعندها ولد

السلام عليكم ورحمه الله وبركاته خيرا أن شاء الله الرؤية تدل على أنه سوف يتم الزواج من شخص كبير بالسن أو الرزق وان والدتك و خالتك سوف تخاف عليكى من الحسد والعين لأنك هتبقى يوم فرحك فاءقة الجمال وأن الزواج سيكون زواج صالونات يعنى بدون تعارف قبل الزواج وان صديقتك سوف تكون حزينة لعدم اهتمامك بها وانك سوف تعيشين معه الشهور الاولى ثم سيحدث شىء بعد الزواج وسوف تكملى دراستك أو عملك وفقكى الله لكل خير ووقاكى الله من كل سوء وشر واعانك على فعل الخيرات وتقبل منك صالح الاعمال هذا والله تعالى اعلى واعلم