خدمة تفسير أحلام

حلمت انى كنت بقرأ آية الكرسى وعماله اعلى صوتى فيها عشان كان تقريبا فى مس عندى بس المس ده انا شيفاه كإنه قماشه او مصليه بس صغيره طايره كده قدامى وكل ما اعلى صوتى هو تعلى لفوق اكتر لحد ما المس ده طلع ومسكت القماشه او المصليه دى بقت نوعا ما بيضه بس مخرومه خرمين تقريبا ومشيت فى حلم تانى حلمت ان انا وماما ماشيين رايحين مكان وشوفنا مبنى كده هو مش شكل المسجد بس احنا دخلناه ع اساس انه مسجد لاننا خلعنا الشوز بتاعنا بره بس انا الشوز بتاعتى كانت سوده وبكعب مش عالى اوى وحطيتها ف كيس ع متتبهدلش وحطيناهم ع جنب بس كده وخلص الحلم المشكله انى بعته لواحده وكان ردها عليا بتسألنى بحلم بمقابر وكنائس وحيوانات واحلام مزعجه ولا لا واما قولتلها لا قالتلى كده " هطلب من حضرتك حاجة اسمها بيان سحر ...نشوف هل تعانوا من اذي روحاني مسبب لكم تعطيل بحياتك واحلام مزعجة او لا.. هتكرري البيان لمدة 3 ايام كل ليلة هتحلمى حلم وحضرتك هتحكيه وتوضحيلى انه بيان والحلم جاي من بيان البيان كالاتي ... هتقرأي ع ازازة مية اواخر سورة البقرة وسورة الصافات كاملة وسورة النور كاملة وسورة الزلزلة وسورة الملك، وتشربى من المية ع مدار اليوم بتاعها ...وقبل ماتنامى هتقرى سورة الرحمن وسورة يس وسورة الملك والزلزلة ...وننتظر ما سيأتي والبرهان .والله اعلم ... اسفه جدا ع الإطاله

عليك بالرقية الشرعية وبالنسبة لهذا البيان ليس لدي اطلاع عليه ولا اعلم ان كان يجدي نفعا ام لا