خدمة تفسير أحلام

حلمت ان انا مسافر تبع شغل رايح ازور الكعبه واحج وانا ف الطياره كانت السماء كلها سمره مفيش نور خالص ف السماء وانا كنت فرحان اوى ان انا رايح اصلى ف الكعبه وانا ف الطياره قولت اطلع الفون بتاعى اصور المنظر وكدا فجئه لقيت نور جامد اوى ف السماء وبصيت من شباك الطياره لقيت الكعبه شكلها كبير اوى اوى لدرجع ان من الحجم بتعها معرفتش اشوفها كلها وانا ف الطياره وكنت فرحان اوى انى شوفتها ورايح خلاص ليها وكان معايه اخويه واتنين كمان قربيى بس انا مش شايف حد الحلم غير الكعبه بس وبعدها نزلنا من الطياره وروح شقه كانت فيها ناس كتير بس مكنتش هممنى اكتر من انى اروح اصلى ف الكعبه وانا رايح افتح الشباك فى الشقه وكدا مش عارف كانت الغرفه الى هنام فيها او الصاله المهم الشباك ده كان قدام الكعبه بظبط كانى انا عايش جوه المسجد وكلها نوور اوى اوى كنت بتمنا انى افضل ابص بس وبعدين قولت لى نفسى اروح اصلى بقا ف الكعبه واشكى كل حاجه فيا عندها وكدا لما وصلت لقيت باب كبير اوى وناس كتير اوى اوى وقفه مستنيه الباب يفتح علشان يدخله اول لما فتح كان باب جنه اتفتح والله ناس بتجرى وانا ع اما وصلت للباب وخلاص هدخل لقيت الدنيا اتغير فجئه ولقيتنى واقف مع صاحب الشغل وبيقولى معلش يامحمد احنا لغينا الرحله بتعتك معلش زعلت اوى وقولت لى نفسى يعنى انا كدا مش هحج خلاص ومش هروح اشوفها خلاص وكنت بعيط لقيت واحد قريبى قريبه ده كان هيوظفنى ف الشركه وكدا بس كل شويه الموضوع يتاخر وكدا المهم لقيتا بيقولى متزعلش يامحمد انت خلاص اتقبلت ف الشركه وهتروح السعوديه هناك تبع الشغل وهتساف بكره ع طول وادانى ورق مش فاكر كان بتاع اى بس باين شغل وكدا وادانى الجواز السفر جديد وادانى فلوس قلى دول خليهم معاك علشان لو احتجت حاجه من هناك فرحت اوى وقولت لى نفسى الحمدلله من خلال الشغل ده بقا هقدر احج تانى وبعدها صحيت من النوم

اول حاجه ان انت شايف في السماء معناها ان انت في هم وكرب وتتمنى ان ربنا يفرجها عليك اللي انت رايح تزور الكعبه اللي انت داخل على مشروع جديد لك وانت في الطياره الطياره هنا معناه لو انت اشتغلت هيكون انطلاق انتقال لك من مرحله الى مرحله اخرى لكن السماء انها سمراء معناه ان هذا الامر اللي انت كنت بتسعي عليه فلن ينقضي في الوقت الحالي لان الموضوع كان صعب شويه معنى ان انت شايف في الكعبه وتتمنى ان انت تزورها الكعبه هنا بتعبر عن العمل اللي انت مقبل عليه ان شاء الله لكن في ناس كثير معناها اللي فيه اكثر من شخص مقدم في هذا العمل لكن انت ما عرفتش في الوقت الحالي تروح انت دائما متابع على النت عامل اللي هو السي في بتاعك ومجهز كل اوراقك بحيث ان انت بتسعي جاهدا ان انت تشوف اكثر من باب للعمل مقدم في اكثر من حاجه وعلى النت متابع الوظائف ومتابع كل حاجه عشان لو في فرصه ربنا يكرمك بالنسبه لك باب الجنه ده باب العمل الا وربنا هيكرمك ان شاء الله وقابلت في هذا المكان اذن هو مكان العمل لكن المكان تبدل معناه ان انت معرفتش تحصل على هذا العمل ورجعت مره اخرى الى حياتك العاديه بدون عمل ولكن في فرصه ثانيه ان شاء الله باذن الله الفتره المقبله هتقدم على العمل مره اخرى وهتقابل ان شاء الله باذن الله والامور هتتحسن وانت حاطط كل مجهودك للحصول على العمل المناسب في الفتره القادمه وانت عندك احلام وطموحات بتتمنى تحققها وبتتمنى أن ربنا يكرمك بهذا العمل لتحقيق كل احلامك وتحقيق كل ما تتمنى ولكن انت البكاء هنا في الحلم معناه بسبب العجز عن الحصول علي العمل والحصول عليه وده سبب ضيق نفسي ان شاء الله ينتهي