خدمة تفسير أحلام

حلمت حلم وصحيت مفزوعه منه خير يارب اني واقفه في الحمام وكنا بليل وببص ع العماره اللي قصادنا لاقيت جيرانا اللي جمبينا في الشقه ساكنين في شقه في العماره اللي قصادنا وليهم بنت اسمها ايمان متجوزه كانت واقفه ف البلكونه وجمبها اخواتها الصغيرين وهي بتبص من البلكونه والسور واطي وقعت من البلكونه ف الشارع وانا شوفت المنظر وقعت ع وشها قعدت الطم وداخله خارجه من الحمام اصرخ واقول لماما الحقي انا شوفتها وكل ما ادخل الحمام اشوفها اقول اعوذ بالله من الشيطان الرجيم لاني بدخل وانا منهاره وبعيط وبدخل ابص عليها من شباك الحمام لانه بيطل ع الشارع ولاقيت اهلها نزلوا يشوفوها وهي فتحت عينها وكانت كويسه وضحكت ورفعت رجلها لفوق فجأه وانا بقول ازاي محصلهاش حاجه وشلوها يطلعوها وصحيت مفزوعه انا انسه

شباك الحمام =النت وانتي تسمعي عنها خبر يزعل على النت وتقع في ضيقه وتمرض قليلا ولكن هتكون يعني كويسه ولكن انتي تقرأي الخبر وتزعلي جدا لأن انتي مش بتستحملي حاجه على حد اللطم هنا =زعل وضيق. الاستعاذه والحمام =أصبح النت بالنسبه ليكي مكان بيسببلك تعب نفسي وضيق بسبب اللي فيه من أخبار وتقولي اعووذ بالله من اللي بتقرأي رجليها في حد من أهلها تحصل عليه مثل عملية نصب ضحكها حياتها فيها صعوبات مش مرتاحه لكن بتكمل وانتي تتسالي ازاي مستحمله كده اما عنك انتي فعليكي بتحصين نفسك لأن ناس يحقدو عليكي