خدمة تفسير أحلام

السلام عليكم ورحمة الله عايزة حضرتك تفسرلى حلمين بعد اذنك والدتى حلمت من يومين أنها لقت الحيطة اللى ف الحمام بها كسور كتير وخافت وحاولت تقفل الفتحات دى وجابت بسرعة اسمنت واعدت تقفلها بسرعة بس خلصت وكان الاسمنت دا شكله ابيض ومظبوط جدا كأن حد متمكن اللى عامله بس كانت بتنهج جامد وهى بتعمله وصحيت من الحلم بتنهج بردو .... الحلم التانى بعده بيومين حلمت ان واحدة زميلتها مقربة ليها بتكلمها ف التلفون وبتقولها أن عندها خاتم ودبلة دهب عايزة تبيعهم ف والدتى قالتها ماشى هاتيهم اشوفهم عشان عايزة اغير دبلتى واجددها بعدين لما جت تشوفهم لقت سلسلة وخاتم وشكلهم نحاسى وغامق ومش حلو زى الدهب ومعجبوهاش وقالت ليها دى سلسلة وخاتم انا كنت عايزة دبلة وخاتم قالت ليها نسيت اجيب الدبلة معاياا فقالت خلاص ممكن اخد الخاتم بس وبعدين معجبهاش عشان شكله غريب وسابت الاتنين ومخدتش حاجة منهم وانتهى ع كداا

وعليكم السلام ورحمة الله وبركاتة اولا الرؤيا الاولي اهتم بآداب دخول الحمام..... الرؤيا الثانيه انتبهي لنفسك قد تخدعي في أمر ما في حياتك