خدمة تفسير أحلام

حلمت بحلم انا امتحاني الشامل كمان ١٥ يوم تقريبا حلمت اني عم امتحن ومش عارفة احل حكت معي صاحبتي قالتلي ليش هيك الاسئلة ومعصبة علي ومش عارفة تحل بعدها هي عرفت تحل وانا صرت ارجع اتذكر بالمادة عشان اعرف أحل وانا عم اتذكر بالمادة فتحت شباك غرفتي لقيت على تنك مي (خزان) قطة سوداء كانت تتفرج علي قلت بسم الله الرحمن الرحيم ما راحت قطه قلت هاي قطتنا يلي دائما بعطعميها وما خفت منها وقاعده على تنك وما تعمل شي هلا لما حكيت بسم الله الرحمن الرحيم كان في تحت بالتسوية بسس كثير بس انا ما شفتهم يصرخوا كثير كل ما احكي بسم الله الرحمن الرحيم ويزيدوا صراخ ويقولوا لا تحكي هلا منأذيكي وما رديت وضليت احكيها وانا بقول هدول شياطين وسحر وما بدهم اياني انجح وضليت احكي بسم الله الرحمن الرحيم كثير كررتها اكثر من ١٠ مرات لحتى راحوا البسس بس ضلت البسة السوداء ما عملت شي بس تتفرج سكرت الشباك وقلت الحمد لله راحوا مسكت الكتاب بدي ارجع ادرس والاقي قدامي شي ما بعرفه بس هو شيطان صرت اقرأ قدامه اية الكرسي كل ما اقرأها يعصب ويصرخ ويقلي هلا بأذيكي لا تقرأيها وما رديت عليه وكملت قراءتها بس كانت قراءة اية الكرسي اول آياتها سهلة بس وصلت لاخر آيتين كانت صعبة علي وما سدقت متى اخلصها واشد على حالي واقرأها كنت خايفة كتير وقلبي يدق بسرعه راح شيطان ورحت اكمل دراسة وصرت اقرأ كمان مرة اية الكرسي قلت للاحتياط وقرأتها بسرعه وكانت سهلة علي وبعدين راحوا شو تفسير الحلم ( عزباء٢٥ سنه بدرس ماستر)

هدول اعدائك قربين منك وراح يعملوا لحتى انت ترسبي لازم تقتليهم بالمنام وتخلي بالك من الناس لي بتكرهك