خدمة تفسير أحلام

حضرتك فسرتيلي الحلم ده ع انه اهلي رافضين العريس اللي متقدملي... وان يوم 9/9 ده تاريخ مش هنساه... وان الموضوع هرجع اتكلم فيه تاني... ف انا بسأل حضرتك رمز تاريخ 9/9 اللي مذكور ف الحلم ده معناه ايه؟لأن هو متقدمليش ف التاريخ ده.. هو اتقدملي اصلا ف شهر 8... بس حضرتك بتقولي أن التاريخ ده ذكري... ف عايزة افهم يعني ايه ذكري.. ده مجرد تاريخ حلمت بيه اني بفتح درس بتاريخ 9/9.... وعايزة اعرف هل معناه انه ممكن يكون بينا نصيب ولا لا... حضرتك قولتيلي بردو ان فيه خير قادم.. ده كان سؤالي وحضرتك طلبتي انزل الحلم كامل.. اهو... حلمت اني كنت ف مكان مش فاكرة كان مدرسة ولا كان مكان باخد فيه حصة كده.. وكان معايا كشكول كتبت فيه دروس كتير وكنت كاتبه فيه دروس لتواريخ لسه قدام يعنى بس وتقريبا كنت نقلاه من حاجة.. و وسط الكشكول ده كان فيه زي كذا دوسيه محطوط.. اللي هو اسمه اكلاسير ده.. كان لونهم احمر تقريبا.. بس المهم دخلت الفصل ده او الاوضه ولقيت الاستاذ قاعد ع ترابيزة وحواليه الطلبة.. بس ف كان تقريبا هيملينا الدرس.. ف قولتله اني انا محضره الدروس وكتباها كلها.. راح قالي طيب طلعي الدرس اللي بتاريخ 9/9 او 25/9.. بس ف انا مرضتش اخليه ياخد كشكولي عشان مكنتش عايزة حد يشوف اللي جوا الدوسيهات اللي ف الكشكول عشان كانت حاجات خاصة بيا تقريبا.. بس معرفش ايه اللي كان جواه اصلا.. بس وفتحتله انا الدرس بس تقريبا كان بتاريخ 9/9 يعنى

ايوا الموضوع هيتفتح تاني ولكن ليس الان وانتي تتكلمي معاه إلى أن تفتح الموضوع وتتفاهمو معاهم ورقم ٩ عدم إتمام الأمر اما عن التاريخ تكرار الموضوع مره اخرى والتاريخ على بعضه يدل على شهرين أو تلاته وتتكلمو تاني