خدمة تفسير أحلام

حلمي اني انا ابغى اغير ملابسي وكان قدامي دروج متسلسلة وراها عمي عبدالله منسدح على سرير كبير حق نفرين ذهبي حلو لكن في الحلم ناديته ياعبدالله لاتناظر فيني ابغى اغير ملابسي والوالد معاه على السرير قال لي ليش تقولين عبدالله ليش ماتقولين عمي قلت له عشين انا ابغى اغير ملابسي وفيه دروج متسلسلة ملونة انا وراها فجأة صرت عند باب بني كبير حق القصور القديمه فتحته بشوق وبقوة واحصل بيت كبير جميل على انه بيت خالتي نورة الكبيرة وحصلت بنت خالتي انجود لابسة فستان ابيض ومتكشخه وانا تنورة سوداء وبلوزة ليمونية وضمتني بقوة بعدين مسكت ايدي قالت تعالي اوريك المشهور الي يقول أمجاد تصب الحلا ب٥٠ بالمية ورحنا الين وصلنا عند بلكونه مفتوحه لقينا سيارة بيع ايسكريم عندها هالمشهور قال هذي امجاد الي تصب الحلا ٥٠ بالمية زعلت انا قالت انجود اشفيك امجاد قلت ليش يقول أمجاد تصب الحلا ٥٠ بالمية وبعدها جاء عمي عبدالله وهو يدخل البيت جت عاصفة قوية مرة وهو يمشي متكبر ولابس بشت اسود وشماغ كانه عريس العاصفة قوية لدرجة بيبان البيت وطيقه تتصفق قلت انجود امشي عبدالله فاقع كبدي فاقع كبدي فاقع كبدي قالت عبدالله مب عمك قلت لا هذا عبدالله قالت انا بقعد مع المشهور قلت بكيفك خليه ينفعك رحت اركض ابغى اطلع من البيت مريت بجنب عمي عبدالله جتني صعقه كهربائية خفيفة قلت بروح اجيب جوالي بعدين انقذ انجود لما طلعت برى لقيت سيارة سوداء فخمة حقت الأمراء فتحت الباب الوراني الايمن لقيت قنبلة حمراء بس مب مفعلة قلت ليكون يبغى يفجر انجود اخذتها ورميتها بعدها فتحت الباب الامامي حق السواق لقيت جوالي القديم ورجعت للبيت اركض للبلكونه حصلت انجود مربوطة على عمود باب البلكونة وتبكي قلت ايشفيك قالت المشهور الي قال امجاد تصب الحلا ب ٥٠ بالمية راح وخلاني فكيتها قلت امشي خلينا نطلع السطح لعلنا نحصل له فلما طلعنا حصلنا على طرف السطح عمي عبدالله جالس على كرسي اسود هزاز بنفس البشت والشماغ قلت له عبدالله وش جابك هنا بزعل قال لي انتي وش جابك في بيتي مين عطاك الحق تمشين بالبيت وتاكلين وتشربين وتتمشين لا انتي ولا الي جنبك علما ان علاقتي مع انجود بنت خالتي كويسه اما عمي عبدالله والوالد غير كويسه فيه حقد وكره

المنام بالرغم من طوله لكنه إشارة إلى زواجك من شخص ذو مكانة مرموقة والله اعلم وربما يكون اسمه عبدالله والله اعلم أسأل الله أن ييسر امرك ويفرج همك ويرزقك من حيث لا تحتسبي