خدمة تفسير أحلام

فى جزء من الحلم مش فاكراه . كنت مع واحد انا أعرفه اسمه محمد المهدى ورحت معاه بيته ولكن بيته فى الحلم شبه بيتنا القديم شوية . وبعدين اول ما دخلنا جه واحد انا معرفهوش فدخلت استخبى فى اوضة والراجل اللى جه قعد على كنبه فى وش باب الاوضة دى وبعدين ببص لقيت ان الكوتش بتاعى باين من تحت الباب وكان لونه ابيض وافتكرت انى نسيت شنطتى بره قدام الباب والشنطة دى فى الحقيقة بتاعة صحبتى وبعدين جه واحد تانى أسمه وليد وقعد بره فأنا ندهت على مهدى علشان يجيبلى الشنطة قبل ما وليد يشوفها فمهدى جه وطفى النور وقال للناس اللى بره معلش يا جماعة وطوا صوتكم علشان والدتى نايمة واخد الشنطة يدخلهالى فوليد قاله ماشي يا إيمان فحسيت ان وليد عرف ان انا اللى جوه وفجأه جت اختى بتحاول تدخل الاوضة وتقول لمهدى هدخل أسلم على مامتك بس هو منعها ومدخلتش . وفجأه لقيت معايا فى الاوضة اتنين ستات دخلوا وغيروا هدومهم وناموا على السرير وهم بيكلموا بعض وانا نمت جنبهم وعمالة أفكر ان اختى اكيد شكت ان انا اللى جوه فى الاوضة وبفكر اعمل ايه او اخرج ازاى من هنا وصحيت وانا بدور انا نايمة فين .

اضغاث احلام