خدمة تفسير أحلام

تفسير الاحلام السلام عليكم يا جماعه انا حلمت 5 احلام علي 5 ايام متتاليه . اليوم الاول : شوفت اخويا مقتول بعدد من الطعنات ودمه سايل بكميه كبيره جدا ولما وصلت عنده لاقيته ميت مع العلم انه المكان اللي كان مقتول فيه بجوار قبر عمي وقبر جدتي وبكيت عليه كتير اوي وقمت لاقيت نفسي ببكي . اليوم التاني : شوفت ان انا اللي مقتول بنفس الطريقة بتاع حلم اليوم الاول في نفس المكان واخويا بيبكي عليا وقمت لاقيت نفسي برضوا ببكي . اليوم التالت : حلمت ان أنا واخويا برضوا طلعنا من بيتنا فلاقنا حيوان ضخم جدا شبيه بالطور او الفيل او العجل الضخم وبدأ يجري ورانا بنيه انه يقتل واحد فينا لغاية ما وصلنا الي بداية طريق المقابر وساعتها لحق اخويا واقتله وموته فأنا رجعت لاخويا علشان اشوفو لاقيتو ميت والحيوان واقف جنبه ولا أذاني بعدها لكنه واقف وبيبصلي كأنه بيقولي اقتلتلك اخوك ونظرات عينه كأنها بتضحك . اليوم الرابع : حلمت أن انا واخويا برضوا بنتخانق مع بعض في بيتناوكل واحد فينا حريص جدا انه يقتل التاني وكل واحد فينا بيترصد للتاني علشان يقتله لغاية ما جه ابويا وفصل ما بينا . اليوم الخامس : حلمت اني ف مكان شغلي وقاعد ف مكتبي بعدها دخل عليا 4 اشخاص اول مره اشوفهم غمضوا عينيا وربطوا ايديا وشالوني لكن ف وسط الطريق هربت منهم لكنهم بدأوا يجروا ورايا لغاية ما مسكوني وبعدها اخدوني ف مكان اول مره اشوفه مكان شبيه بمصنع مهجور لاقيت واحد هناك مستنيهم برضوا معرفهوش وماسك مسدس في ايده اول ما شافني ضرب بالنار وقبل ماتوصلي الطلقة صحيت من النوم مفزوع . في حاجه نسيت اقولها بعد كل حلم لما كنت باصحي من النوم الاقي نفسي عندي صداع شديد ولما افتكر الحلم بيجيلي الصداع في نفس الوقت بنفس الشده اللي لاقيت نفسي فيها لما صحيت من الحلم . مع العلم إني خاطب واخويا اعزب وفي آخر سنه ف الجامعه . وانا واخويا بس ملناش اخوات تاني . ياريت يا جماعه اللي يعرف يفسرلي الاحلام يقولي اي تفسيرها وتفسير انها بتتكرر معايا مره ومع اخويا مره في ايام متتاليه بدون فواصل . وجزاكم الله خيرا واليوم السادس رايت انى اصلى أمام باحد لا اعرفه وكنت اقراء سوره البقره وكنت اغلط ف اول 5ايات منها وكان أحد يصحح لي الخطأ وانا لا اعدله

هل هناك خلافات بينك وبين أخوك