خدمة تفسير أحلام

حلمت اني راكبة عربية جوزي جمبه ومعانا حماتي ورا جوزي وورايا بنات من عيلة جوزي بس ماشفتش وشهم.... مستنيين جنازة تطلع من بيتنا وهي جنازة جد جوزي(وهو ف الحقيقة متوفي من سنين وعمري ماشفته) وكنت لابسة فستان ابيض جميل جدا وطرحة بيضا وقلتلهم مش كنتو تقولولي دانا لابسة ابيض قالولي مش مشكلة.. والجنازة طلعت م البيت وشفت حمايا شايل الكفن واحنا اتحركنا وراهم بالعربية... دخلنا شارع جميل مزروع فيه ورد كتير بس من ناحيتي انا بس مش ناحية جوزي وحماتي وفيه بنات كتير واقفة بطول الشارع بترمي عليا انا بس ورد من الشباك.. ولقيت وردة بيضا كبيرة جميلة جدا داخلالي من الشباك خدتها.. وطلعنا من الشارع لقينا سوق كبير وزحمة ونزلنا من العربية وحماتي مسكت ف دراعي عشان اعديها من السوق واوصلها مكان الدفن وتعبت كتير واتبهدلت لحد ماطلعتها من السوق ووصلتها فعلا وهي طول الطريق متضايقة ان ستات العيلة وصلو قبلها.. وفعلا شفت حمايا من بعيد بيدفن المتوفي وقلتلها اهم هناك وسبتها تروح.

تم