خدمة تفسير أحلام

في الحلم كنت رايحه المقابر ازور ابني المتوفي ولاقيت نفسي في مقابر اخري مدفون بها والدي وكنت بدور علي المدفن والمقابر شكلها غريب عليها مراتب اسفنج وقابلني شيخ هناك قالي عايزه ايه قلت له المقابر ليه شكلها كده قالي هياخدوا منها جزء يبنوا عليه مساكن شوفي عايزه تزوري ده ولاده واطلعي قصده ابني او ابويا مع ان ابني في مقابر تانيه انا معرفتش المقبره وطلعت بره المدافن في ممشي خارج المدافن يوصل للبوابه وانا خارجه لاقيت ابني المتوفي قاعد عند البوابه اول ما شوفته فرحت هو في حياته كان عاجز ومريض لما شوفته قلت له مروان عامل ايه وحشتني انا كنت جايه ازورك ضحكي لي وبعدين قالي مش قلنا بلاش اسلام ده كفايه كده وقالي رقم قالي احفظيه كويس هو في رقمين اللي تذكرتهم 14/,,,10دول الرقمين اللي فاكراهم وباقي الرقم مش فاكراه اسلام ده زوجي لكن مش ابوه… .. المهم قالي الرقم ودخل علي المدافن وبعدها في امين شرطه كان واقف قالي انا كتبت لك الرقم اهو في الورقه واخدتها منه وبعدها صحيت من الحلم

السلام عليكم ورحمه الله وبركاته خيرا أن شاء الله الرؤية تدل على أن ابنك يحذرك من زوجك لشىء حصل من زوجك و هو شيء سىء ويجب عليكى اتباع ابنك المتوفى لأن الميت رؤياه وتحذيره حق و صدق فحاولى تتأكدى من الأرقام فى الحلم لانه رؤية على شىء مهم جدا يحذرك منه تاكدى من الأرقام أو ما تتذكره هل هو رقم له علاقة بشىء مهم واحذرى من هذا الشخص هذا والله تعالى اعلى واعلم وفقكى الله لكل خير ووقاكى الله من كل سوء وشر واعانك على فعل الخيرات وتقبل منك صالح الاعمال