خدمة تفسير أحلام

حلمت اني راكبه عربيه حلوه ماكنتش شايفاها بس حاسه انها شيك اوي بس ماكنتش بتاعتي بتاعه صاحبتي اسمها آيه (وفي الحقيقه هي ماعندهاش عربيه ولا انا ) واتفاجأت اني انا اللي قاعده ناحيه القياده وبتقولي انزلي مش هتعرفي تسوقي قولتلها لا هاعرف وكنت بسوق حلو جدا بس رجلي من تحت بتدور ع الفرامل والبنزين وخايفه مع العلم (حلم السواقه ده بحلمه كتير بس مابعرفش اسوق كل مره وبحاول اوقفها ماعرفش وبسوق بصعوبه ) المره دي بسوق باحتراف لدرجة اني حودت بالعربيه من ملف ضيق وكنت فرحانه ولاقيت عربيه خطيبي السابق مركونه وسقفها مفتوح وبقول ياريت يشوفني بالعربيه وانا سايقه دي احلي من بتاعته وبحكي لصاحبتي عليه وروحنا قعدنا ف كافيه فيه جزء بره وجزء جوا وبقولها نتغدا بره وندخل جوا نحلي وقاعدين نتكلم ودخلونا جوا وكان قصادي جهاز كمبيوتر ماعرفش بعمل عليه ايه ودخلنا لاقيت قصادي فوج سياحي ناس كورين تقريبا وصنيين فيهم اتنين رجلين بيبصوا عليا وواحد بنضاره ورفيع ضمن الرجلين معجب بيا مش فاكره باقي الحلم بس اظن خلص ع كده انا انسه

اول حاجه العربيه = حياه جديده ليكي وجميله وتقدري انك تشوفي سعاده وخير والأمور جميله ليكي. أما عن خطيبك =أن شخص يتقدملك أفضل منه وتقولي نفسي انه يشوفني وانا ربنا عوضني خيراً أفضل منه عشان يندم على اللي عمله فيا ولكن الكافيه مناسبه ولم تكتمل وحاولي تنسيها لأن صعوبات وهو فظيع جدا وصعب اصلا وعصبي مستحملش. فوج سياحي موقف مشابه هتشوفي ويمر عليكي وقريبا عريس يتقدملك. أما أن العربيه مش بتعرفي تمشي بيها=تعطيل عندك ولازم علاج لأن امورك مش بتكمل احذري