خدمة تفسير أحلام

حلمت اني راكبه عربيه حلوه ماكنتش شايفاها بس حاسه انها شيك اوي بس ماكنتش بتاعتي بتاعه صاحبتي اسمها آيه (وفي الحقيقه هي ماعندهاش عربيه ولا انا ) واتفاجأت اني انا اللي قاعده ناحيه القياده وبتقولي انزلي مش هتعرفي تسوقي قولتلها لا هاعرف وكنت بسوق حلو جدا بس رجلي من تحت بتدور ع الفرامل والبنزين وخايفه مع العلم (حلم السواقه ده بحلمه كتير بس مابعرفش اسوق كل مره وبحاول اوقفها ماعرفش وبسوق بصعوبه ) المره دي بسوق باحتراف لدرجة اني حودت بالعربيه من ملف ضيق وكنت فرحانه ولاقيت عربيه خطيبي السابق مركونه وسقفها مفتوح وبقول ياريت يشوفني بالعربيه وانا سايقه دي احلي من بتاعته وبحكي لصاحبتي عليه وروحنا قعدنا ف كافيه فيه جزء بره وجزء جوا وبقولها نتغدا بره وندخل جوا نحلي وقاعدين نتكلم ودخلونا جوا وكان قصادي جهاز كمبيوتر ماعرفش بعمل عليه ايه ودخلنا لاقيت قصادي فوج سياحي ناس كورين تقريبا وصنيين فيهم اتنين رجلين بيبصوا عليا وواحد بنضاره ورفيع ضمن الرجلين معجب بيا مش فاكره باقي الحلم بس اظن خلص ع كده انا انسه

السلام عليكم ورحمة الله وبركاته واللهم صلي على سيدنا ونبينا محمد وعلى آله وصحبه أجمعين.. السيارة بالحلم لها مدلولات عديدة..تدل على السفر و دا اكيد..و على البعد و الافتراق.. و السواقة تظل على مستقبلك و كيانك و كيف ستختارين حيانك.. اذا كانت السواقة حسنة الحياة ستكون افضل وأسهل.... في خطوبة و ارتباط و في سفر قريب لك من خلال آخر الحلم....وفقك الله و الله اعلم.