خدمة تفسير أحلام

السلام عليكم ورحمة الله وبركاته لو سمحتي حلمت قبل صلاة الفجر... إنى كنت في مسجد وبصلي بست وبنتها اعرفهم بنتها ( كانت مدرسة لى ايام الدراسة ).. وفي ركعه من الركعات كنت بصلى بسورة الشرح وكانت الصلاة جهرية.. وآخر ركعه صليتها بهم وأنا قاعدة مش عارفه السبب بس غالبا رجلي تعبتنى.. وانهينا الصلاة عادى.. وبعدها مباشرة كملنا صلى ورا شيخ هو ابن الست دى .. وكان في فاصل بين مكان الستات والرجال... و كان في أطفال كتير في المسجد وأنا والست دى كنا بنحفظهم قرآن. حلم بعد صلاة الفجر حلمت إنى كنت في مكان زى المدرسة وكان معايا ورق بملى منه الطلاب تقريبا زى ما يكون كان امتحان.. والمدرسة اللى كانت موجودة في الحلم اللى فوق جات اخذتى مني الورق وكملت هي (يعني كأنها كانت بتساعدني) وبرده في الحلم سرحتلى شعري وقسمته نصفين شوية على الجنب دا وشوية على الجنب دا.. و قالتلى انت زعلانه مني في حاجه انا قلتلها لا... مع انى في موقف فعلا كنت زعلت منها فيه من زمان افتكرته في الحلم وكنت عاوزه اقوله بس كان ردى عليها في الحلم لأ...وهو في الواقع انا كنت زعلت وقت الموقف لكن حاليا مش زعلانه و مسامحها. جزء من حلم من يومين مش فاكراه بس فاكره منه انى كنت برده في مكان زى فصل دراسي وكأن انا واصحابي فيه بقولهم (لا يقرأ سورة يوسف مهموم إلا استراح) . أنا اخذتها كأنها رسالة لى وصحيت قرأتها الحمد لله. معلشي طولت على حضرتك ربنا يجزيك الفردوس الأعلى يارب 🌹

يعبر بأن الله سيهيئ لك زوجا صالحا ومسا ئلك ستتم بخير ...كما يدل على انك ستدخلين في أعمال صلح بين الناس....ويحدث صلح بينك وبين شخص بينك وبينه خصام....والجزء الاخير يؤول بفرج قريب وخروج من الهموم ..والله اعلم.